افغانستان سنا مجلسی‌نینگ بوگون کی ییغینی‌گه حکومت نینگ بلند مرتبه‌لی رسمی‌لری حاضر بولمه‌گن لیگی سبب، سناتورلر چهار شنبه کون‌گه قدر اعتراض بیلدیریب مجلس ایشیگی‌نی یاپگن‌لر.
بیر قطار سناتورلرگه کوره، حکومت بلند مرتبه‌لی رسمیلری‌نینگ حاضر بولمه‌گن لیگی مذکور مجلس گه نسبتن حرمت‌سیزلیگ کورسه‌تیش دیر.
سنامجلسی‌نینگ رییسی فضل هادی مسلم‌یارنینگ ایتیشیچه، حکومت چهارشنبه کون‌گه قدر نماینده‌لر ایسته‌گی‌گه جواب بیرمه‌گن حالده، مجلس بو توغریده جدی قرار آله‌دی.
سنامجلسی‌نینگ اورین باسری محمد آصف صدیقی نینگ سلام وطندارگه ایتیشیچه، مجلس ایشیگی‌نینگ یاپیلگن‌لیگی اوچون بیرینچی سبب جلریز ولسوال‌لیگی‌ده ملی کوچلر عسکری اولدیریلگنی بولگن. حکومت مسوول‌لری بو توغریده جواب بیریش‌لری کیره‌ک لیگی ایتیله‌دی. نیمه اوچون حربی عسکرلرگه یاردم کورسه تیلمه‌گن لیگی انیق له‌نیشی لازم
جناب صدیقی، سنا مجلس ایشیگی‌نینگ یاپیلگن‌لیگی‌گه باشقه بیر دلیل ایسه حکومت رسیملری‌نینگ ایکی تامانلمه یانده‌شیشی بولگن دیگن.
اما، هنوزگچه هم سنا مجلسی نینگ کیلگوسی قراری نیمه بولیشی انیق ایمس، لیکن سنا مجلسی نینگ بوگونکی ییغینی‌ده مجالس نینگ اعضالری ملی اجماع همده لویه جرگه اوتکزیلیشی‌نی سوره‌گن‌لر.
عین‌حالده، مجلس‌نینگ شکایت‌لرگه ایریشیش کمیسیون رییسی زلمی زابلی عاموی اخبارات واسطه‌لری‌گه، جاری هفته جریانی‌ده افغانستان مخابرات وزیری مجلس‌گه کیلمه‌گن حالده، سناتورلر اعتراض بیلدیریشی‌نی ایتگن ایدی.
