افغانستان سنا مجلسی‌نینگ اعضالری امریکه قوشمه ایالت‌لری تشقی ایش‌لر وزیری جان کری‌نینگ افغانستان ملی بیرلیک حکومتی تشکیل ایتیلیشی باره‌سیده‌گی سوزلرینی بوگون بحث‌گه آلیب محاکمه قیلگنلر.
ملی بیرلیک حکومتی‌نینگ بیتیمی اساسیده، سیاسی کیلیشوو بیلن وجودگه کیلگن ملی بیرلیک حکومتی ایکّی ییل ایچیده لویه جرگه اوتکزیب، اساسی قانون اوزگرتیریلیشی بیلن عبدالله عبدالله مملکت باش وزیری ایتیب تعین‌له‌نیشی کوتیلردی.
لیکن، اوتگن کون خبری انجمن‌ده چیقیش قیلگن جان کری، ملی بیرلیک حکومتی‌نی وجودگه کیلتیرگن کیلیشو ایکّی ییل و آلتی آیده اوز پایانی‌گه ییتمس لیگی باره‌سیده اورغوله‌گن. بلکه، مذکور کیلیشوو جمهور رییس غنی‌نینگ بیش ییل‌لیک جمهور رییس لیک دوری اوز پایانی‌گه ییتگونچه دوام تارتیشی باره‌سیده تاکیدله‌گن.
سنا مجلسی‌نینگ عمومی ییغینی‌ده سوزله‌گن سناتورلردن بیری محی‌الدین منصف‌گه کوره، تشقی مملکت‌لر افغانستان ایچکی مساله‌لریگه اره‌له‌شیش اورنی‌گه مملکت‌ده تینچ‌لیک تامین ایتیلیشی اوچون سعی وحرکت قیلیش‌لری ضرور.
حکومت‌نینگ وقتی اساسی قانون‌گه معلوم ایتیلمه‌گن و چوزیلیشی‌گه هم احتیاج یوق. کری‌نینگ سوزلری افغانستان ایچکی مساله‌لریگه اره‌له‌شیش‌دن کیلیب چیقیشی ایتیله‌دی.
عین حالده، سناتورلردن باشقه بیری صفی الله هاشمی‌نینگ بیلدیریشیچه، تشقی مملکت‌لر افغانستان ایچکی ایشلریگه اره‌لشگن لیک‌دن کوره، ملی بیرلیک حکومتی رهبرلری‌نینگ قیین چیلیک‌لرینی حل ایتیشلری ضرور دیر.
بونگه قره‌می مجلس‌نینگ باشلیغی فضل هادی مسلمیار، افغانستان خلقی‌نینگ تقدیری خارج مملکت‌لر تامانیدن انیق له‌نیشی اوچون خواطر بیلدیرگن.
تشقی مملکت‌لر اینیقسه امریکه قوشما ایالتی تاماندن ملی بیرلیک حکومتی‌نینگ ایشی دوام تارتیشی مملکت ایشلریگه آچیق روش‌ده اره‌له‌شیش دیگن جناب فضل مسلمیار.
