.jpg)
سنامجلسی باشلیغی فضل‌هادی مسلم‌یارنینگ ایتیشیچه، مسکو، افغانستان‌گه 10 مینگ کلاشینکوف بیریش‌گه سوزبیرگن و کیله‌جک 20 کونده ترکمنستان یولی بیلن افغانستان کیلتیریلهدی.
جناب مسلم‌یارنینگ بوگون (یک‌شنبه) کابل‌ده اوتکزیلگن بیر خبری ییغینده ایتیشیچه، او روسیه مجلسی چقیروی بیلن اوشبو مملکت‌گه سفر قیلگن و بو سفرده روسیه رسمی‌لریدن افغانستان مدافعه وزیرلیگی‌نینگ هر بیر قول اردوسی‌گه ایکی- ایکی تیک اوچر یاردم بیریشینی سوره‌گن. اونگه کوره، روسیه رسمی‌لری ایسته‌گینی قبول ایتگن.
مسلم‌یارنینگ ایتیشیچه، روسیه رسمی‌لریدن اوشبو یاردم‌لر پول‌سیز و قرض‌سیز افغانستان‌گه بیریلیشینی ایسته‌گن.
شونینگ‌دیک سنامجلسی باشلیغی‌نینگ ایتیشیچه، هند تامانیدن افغانستان‌گه بیریله‌دیگن تیک اوچرلر هم روسیه‌گه باغلیق. اونینگ کوپه‌یتیریشیچه، اوشبو تیک اوچرلر توغریسیده هم روسیه بیلن صحبت اوتکزگن و اوشبو مملکت رسمی‌لرینی قانیقتیرگن.
ظاهر قدیرنینگ بیانات‌لری رد ایتیلدی
شونینگ‌دیک، جناب مسلم‌یار سنامجلسی بوگونکی ییغینیده، داعش گروهی حکومت و ملی خوفسیزلیک کینگشی تامانیدن حمایه ایتیلیشی خصوصیده، نماینده‌لر کینگشی بیرینچی اورین باسری ظاهر قدیرنینگ بیانات‌لرینی رد ایتدی.
مسلم‌یار و باشقه سناتورلر، اوشبو بیانات‌لر جمهورلیک سرایی هیأتی تامانیدن جدی صورتده، تیکشیریلیشینی طلب قیلدی.
سنا باشلیغی‌نینگ ایتیشیچه، حاضرگی شرایط‌ده نماینده‌لر کینگشی بیرینچی اورین باسری تامانیدن، بونده‌ی بیر سوزلر بیان ایتیلیشی، امنیت اوستی‌گه سلبی تأثیر تشله‌یدی.
پارلمان بیرینچی اورین باسری ظاهر قدیر اوتکن هفته (دوشنبه کون)، مملکت امنیت کینگشی و برچه امنیتی رسمی‌لر داعش گروهی‌دن حمایت ایتیشینی ایتگن ایدی. شونینگ‌دیک جناب قدیرنینگ ایتیشیچه، داعش گروهی‌نینگ باش قومندانلری پایتخت‌ده حیات کیچیره‌دی و هردایم دولت بلند مرتبه‌لی رسمی‌لری بیلن اوچره‌شیب بحث اوتکزه‌دی.
شونینگ‌دیک، جمهورلیک ریاستی اوتکن هفته پنج‌شنبه کون معلوم قیلیشیچه، حکومت تامانیدن تروریستی گروه‌لر حمایه ایتیلیشی خصوصیده، نماینده‌لر کینگشی بیرینچی اورین باسری‌نینگ ادعالرینی تیکشیریش اوچون هیأت تعیین قیلگن.
شونینگ‌دیک، جناب قدیرنینگ اوتگن (سه‌شنبه کون) مجلس ییغینیده ایتیشیچه، حکومت بو خصوصده حق دار ایمس دیر؛ بیراق حقیقت تاپیش‌نی ایسته‌گن صورتده، دستلب ملی امنیت کینگشی مصلحتچیسی حنیف اتمرنینگ وظیفه‌سی توخته‌تیلیب و اوندن کیین، هیأت اعضاسی اوچ قوه‌دن سیلنگن صورتده، او بو توغریده جواب بیره‌دی.
