.jpg)
اولکه سنا باشلیغی فضل‌هادی مسلم‌یار داعش‌گه قرشی کوره‌شیش اوچون روسیه‌دن نظامی جهاز سوره‌دی. او ۲- قوس‌ده روسیه بارگن ایدی، بوگون (۴-قوس) روسیه سناسیده بو مطلبنی بیان قیلدی.
جناب مسلم‌یار افغانستاننی ایرکین مملکت دیر و شخص‌دن حمایت بولگونچه، دولت‌دن حمایت بولسین دیدی.
سنا باشلیغی داعش‌گه قرشی کوره‌شیش اوچون تنی بولمه‌گنده امنیتی کوچلرگه ۱۰ تیک اوچرلری بولیشی کیره‌ک و اگر روسیه بو یاردمنی قیلالمه‌گن حالده، اوزون مدتلیک قرضه شرطی بیلن افغانستان امنیتی کوچلر اختیاریگه قویسین دیدی.
او روسیه سنا کینگشی‌ده افغانستاننی سرمایه یاتقیزیش اوچون مناسب مکان اورغوله‌دی و بو اولکه افغانستانده اوتمیش‌ده‌گی قیته قوریش لایحه‌لرینی دوباره باشله‌نیشینی ایسته‌دی. روسیه سنا کینگشی باشلیغی هم مسلم‌یار سوزلرینی قبول قیلدی و بو اولکه ایکله کینگشی هم افغانستانگه یاردم قیلیش وعده سینی بیردیلر.
اولکه دفاع وزیری سوزلاوچیسی دولت وزیری هم کینگش باشلیغی واسطه‌سی بیلن عصیانگرچیلیکلرگه قرشی کوره‌شیش اوچون یاردم‌لیک سوره‌لیشینی ایجابی حرکت دیب بیله‌دی و امنیتی کوچلر جهازلنیشی بیلن اوروش میدانلریده کامیاب بولیشلرینی اورغولیدی.
بو هیاتنی نثار حارث، لطیف ژوندی، انارکلی هنریار، حمیرا نعمتی و سنا بین المللی کمیسیون اعضالری تشکیل بیرگن. بوندن آلدین هم ملی امنیت مصلحت‌چیسی حنیف اتمر هندگه قیلگن سفریده امنیتی کوچلرگه تیک اوچر یاردم بولیشینی بو اولکه‌دن سوره‌گن ایدی.
