سرپل ولایتی کینگش باشلیغی محمدنور رحمانی‌نینگ سلام‌وطندارگه ایتیشچه٬ نیچه مرته محلی رسمیلر بیلن ییغین اوتکزیب٬ بلخاب تومنیدهگی تاش کومیرکانی قورالی شخصلر و بیرقطارپارلمان اعضالری تمانی‌دن ناقانونی شکلده چیقه ریلیشیدن تنقید قیلگن بیراق حاضرگچه بومسله آلدی آلینمه‌گن.
سرپل ولایتی کینگش باشلیغی‌گه کوره٬ تاش کومیرکانی قازیب چیقاریلیشی‌نینگ آلدینی آلیش محلی حکومت کوچی‌‍دن یوقاری بولگن. مرکزی حکومت بوحقده توجه قرتمه‌گن حالده تاش کومیرکانی اوستی‌گه محل‌ده اوروش چیقیشی ممکن.
سرپل والیسی‌نینگ سوزچیسی ذبیح‌الله امانی٬ بلخاب تومنیدهگی تاش کومیرکانی‌نی چیقاریش‌گه قورالی شخصلر و پارلمان اعضالری قولی بارلیگی حقیده هیچ قنده‌ی حجتلری یوقلیگینی معلوم قیله دی.
انه شوحالده آتی سیرقالیشینی ایسته گن بلخاب تومنی یشاوچیلریدن بیرقطاری‌نینگ ایتیشیچه، مذکور تومنده گی تاش کومیر کانی بیرقطار پارلمان اعضالری بویروغی بیلن قورالی شخصلر آرقلی قازیب چیقاریلماقده و بو تاش کومیرلر بلخ، سمنگان ولایتلری‌گه ساتیش اوچون یوباریله‌دی.
