سرپل ولایتی امنیتی اداره‌لری‌نینگ بلند مرتبه‌لی رسمیلری، جنگری طالبلر اوتگن کون ساعت 12ده 25 یولاوچی‌نی مذکور ولایت‌نینگ سانچارک تومنیده اوغیرله‌گن لیکلرینی ایتگن‌لر.
سرپل پولیس قوماندانلیگی‌نینگ سوزلاوچی‌سی علی اکبرانداری‌نینگ سلام‌وطندارگه ایتیشیچه، اوغیرلنگن‌لرنینگ تقدیر باره‌سیده هنوز هم انیق معلومات قول‌ده ایمس.
جناب اندرابی، اوغیرلنگن‌لرنینگ برچه‌سی بخلواب تومنی‌نینگ اهالیسی ایکن‌لیگینی ایتگن. او، اوغیرلنگن لر آزاد ایتیلیشی اوچون سعی وحرکت‌لر دوام ایته یاتگن لیگی‌نی تیل‌گه آگن.
عین‌حالده، بوندن ایکّی کون آلدین (جوزا آیی‌نینگ 11- سی‌ده) قوراللی طالبلر کابل – تخار یولی‌ده جایلشگن قندوزنینگ شینه تپه منطقه‌سی‌ده 175 انسان‌نی اوغیرلب کیتگن ایدی. ملی کوچلر بیلن جنگری لر اورته‌سی‌ده یوز بیرگن قوراللی توقنشوده 12 یولاوچی حبس‌دن آزاد ایتیلدی. هنوز یولاوچی‌لرنینگ 8 ته‌سی طالبلر قولی‌ده قالماقده.
جنگری طالبلر اوشبو یولاوچی‌لرنینگ باشقه 12ته‌سی‌نی قتل ایتدی. قولگه کیریتیلگن معلومات‌لرگه قره‌گن‌ده طالبلر قولی‌ده‌گی 8 یولاوچی‌نی ولایت‌نینگ چهار دره تومنی‌گه آلیب بارگن.
