سرپل ولایتیده ملی خوفسیزلیک مفرزه قطعه‌سی نینگ بیر قومندانی بویروغی‌گه بولگن 15 عسکر بیلن طالبان گروهی‌گه قوشیلگن.
سرپل ولایتیده محلی بیرمنبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، ملی خوفسیزلیک مفرزه قطعه‌سی قومندانی ملا منصور بویروغی‌گه بولگن 15 عسکر بیلن طالبان گروهی‌گه قوشیلگن.
منبع نینگ ایتیشیچه، اوشبو واقعه اوتگن "یکشنبه" کونی عصر چاغیده سرپل مرکزی نینگ کورک عربیه قیشلاغیده یوز بیرگن.
منبع نینگ کوپه‌یتیریشیچه، ملی خوفسیزلیک اوشبو مفرزه قومندانی 15 میل قورال و بیرقطار اوق‌نی اوزی بیلن آلیب کیتگن.
عین‌حالده، سرپل ولایتی کینگش اورین باسری اسدالله دانش نینگ سلام‌وطندارگه ایتیشیچه، ملی خوفسیزلیک بو قومندانی سرپل-جوزجان قتناو یولیده فعالیت قیله‌ریدی و 15 عسکری بیلن طالبان گروهی‌گه تسلیم بولگن.
بوتوغریده سرپل ولایتی بوییچه ملی خوفسیزلیک مسوول‌لری فکرینی آلیش اوچون سعی و حرکت قیلدیک، بیراق موفق بولمه‌دیک.
