سرپل ولایتی کینگش اعضالری و اوشبو ولایت بلخاب تومنی یشاوچیلریدن بیرقطاری‌نینگ سلام‌وطندارگه ایتیشیچه، بلخاب تومنیده بولگن تاش کومیر کانی ناقانونی قورالی کیشی‌لر تامانیدن ناقانونی شکلده قازیب چیقاریله‌دی.
سرپل ولایتی کینگش اورین باسری سیداسدالله دانش‌نینگ ایتیشیچه، 70 کیلو تاش کومیر 50 یا-ده 60 افغانی ساتیله‌دی. سرپل ولایتی کینگش اورین باسری‌گه کوره، سونگی پیت‌لرده تاش کومیر کانی‌نینگ ناقانونی شکلده قازیب چیقاریلیشی باعث، ایچکی تارتشوولر هم کوپه‌یگن.
بلخاب تومنی یشاوچیلریدن بیرقطاری‌نینگ ایتیشیچه، ناقانونی قورالی کیشی‌لر و اوشبو تومن یشاوچیلری ناقانونی شکلده تاش کومیر کانی‌نی قازیب چیقاره‌دیلر.
بیراق سرپل حاکمی‌نینگ سوزلاوچیسی ذبیح‌الله امانی‌نینگ ایتیشیچه، بلخاب تومنیده بولگن تاش کومیر کانی‌نینگ ناقانونی شکلده قازیب چیقاریلیشی خصوصیده اولرگه هیچ‌قندی گزارش کیلمه‌گن. اونینگ ایتیشیچه، تیزلیک‌که حکومت تامانیدن مذکور کان‌نینگ قازیب چیقاریلیشی باشلنه‌دی.
عین‌حالده، بلخاب تومنی‌نینگ ولسوالی عبدالله انصاری‌نینگ ناقانونی قورالی گروه‌لر فعالیتی کوپه‌یگنی‌دن خواطر بیلدیریب ایتیشیچه، حاضرگه‌قدر تاش کومیر کانی‌نینگ قازیب چیقاریش اوچون قانونی بیر کینگش ایجاد قیلیش‌گه موفق بولمه‌گن‌لر.
