.jpg)
افغانستان یشاوچیلری هردایم دولتی اداره‌لرده‌گی ایش‌سیزلیک، مسؤولیت‌سیزلیک و بروکراسی‌دن شکایت قیلیب و بو اداره‌لرنی تکراراً فساد و قانون‌سیزلیک‌که عیب‌لب کیلگن‌لر، بیراق بو مرته شکایت سیسی حکومتی ییریک رسمی‌لردن بیری‌نینگ بغضی‌دن چیقدی.
کابل‌ده یولگه قوییلگن «حقوقی یاردم کورسه‌تیش بوییچه ملی کنگره» ییغینیده نطق سوزله‌گن جمهور رئیس‌نینگ ایکینچی اورین باسری سرور دانش‌نینگ ایتیشیچه، دولتی اداره‌لردن بیرقطاری، قانونی وظیفه‌لری و مسؤولیت‌لرینی توغری بیر شکلده عمل‌گه آشیرمس‌لریگه علاوه، یشاوچی‌لرنینگ حقی‌گه جفا قیلگن‌لر.
جمهور رئیس غنی‌نینگ ایکینچی اورین باسری، اورنک شکلده سیلاولر ایرکین کمیسیونلریدن ایسلب ایتیشیچه، نماینده‌لر کینگشی‌نینگ سیلاوی یولگه قوییلگنیدن کمیده اوچ آی اوتماقده؛ لیکن نتیجه‌سی حاضرگه‌قدر بیللی بولمه‌گن و عین حالده، ساخته‌کارلیک، قولابکارلیک و فساد عیب‌لاولری سایه‌سیده، افغانستان دولتی‌نینگ ایشانچی سوراققه دوچ کیلگن.
.jpg)
سیلاولر ایرکین کمیسیونی گه خطاب جناب دانش‌نینگ ایتیشیچه، یشاوچی‌لرنینگ صبری تاشگن و بونده‌ی بیر وضعیت‌ده هر تامانلمه اصلاحات کیریتیش حکومت‌نینگ مسؤولیتی دیر. جناب دانش گه کوره، بونده‌ی بیر وضعیت‌ده و سیلاولر ایرکین کمیسیونلریده اصلاحات کیریتیلمه‌گن صورتده، جمهورلیک ریاستی‌نینگ سیلاوی نماینده‌لر کینگشی‌نینگ سیلاویدن یمانراق یولگه قوییلیشی ممکن.
بونگه علاوه جناب دانش‌نینگ ایتیشیچه، اوروش و ناتینچلیک عدلی و قضایی اداره‌لریگه قرشی اینگ کته قیین‌چیلیک سنله‌دی و اولرنینگ ایجابی خذمت‌لریگه توسیق بوله‌دی.
جناب دانش‌نینگ کوپه‌یتیریشیچه، افغانستانده حاضر 4800 مدافعه وکیل فعالیت قیله‌دی و عین حالده، قبول قیلینگن معیارلر اساسیده، بو رقم 15 مینگ بولیشی کیره‌ک ایدی.
