.jpg)
اسمی سیرسقله‌نیشینی ایسته‌گن انیق بیرمنبع نینگ سلام‌وطندارگه ایتیشیچه، جمهور رییس‌لیک سراییدن ستره محکمه گه ایشدن آلینگن وزیرلر باره‌سیده اساسی قانون 92- ماده سینی تفسیر قیلیب اوز بیاناتینی بیرسین دیگن ایسته‌کنی نامعلوم دلیللر بیلن رد قیلگن.
نماینده‌لر اعضاسی صالح محمد صالح نینگ بوتوغریده ایتیشیچه، ایشدن آلینگن وزیرلرنی اساسی قانونده انیق یاروغ‌لیک بیلن معلوم قیلینگن‌لیگی دلیل ستره محکمه جمهورلیک سرایی نامه‌سینی رد قیلگن. جناب صالح گه کوره، ستره محکمه اوشبو نامه نی مقننه و قضائیه قوه‌لری بیراوگه قرشی یوزمه یوز بولیش آلدینی آلیش اوچون رد قیلگن.
مجلس نینگ بو اعضاسی ملی کینگش قیشلیک تعطیلاتی دن سونگ جمهورلیک سرایی ینگی 7 کیشینی نامزد وزیردیب معرفی قیلیشی کوتیله‌دی دیگن.
.jpg)
ستره محکمه سوزلاوچیسی عبدالله عطایی رد و یا تأیید بولیش باره سیده بیرنرسه دیمه گن، بیراق ستره محکمه نینگ ایشدن آلینگن وزیرلر باره‌سیده آله‌دیگن تصمیمی رسانه‌لرگه بیریله‌دی دیدی.
نماینده‌لر کینگشی کابینه وزیرلریدن 7 ته‌سینی ایش سیزلیکلری، بودجه مصرف قیلمه گنلیکلری و مدیریتلری ضعیف‌لیگی دلیل ایشدن آلگن ایدی، جمهور رییس‌لیک سرایی ایشدن آلینگن وزیرلرنی آقلب بولمیدیگن ایش بیلیب، مملکت ستره محکمه سیدن اساسی قانون 92- ماده‌سینی تفسیر قیلیب ایشدن آلینگن وزیرلر باره‌سیده بیانات بیریشینی ایسته‌گن ایدی.
