افغانستان ساغلیق‌نی سقلش وزیرلیگی رسمیلری، اوتکن 15 ییل ایچیده آنه لر اولیم میزانی کمیگنی باره‌سیده خبر بیرگنلر.
قابله‌لرنی آلقیش‌لش مناسبتی بیلن اوتکزیلگن ییغین‌ده قتنشگن وزیرلیک نینگ بلند مرتبه‌لی مسووللری، آنه‌لر اولیم میزانی اوتکن ییل لرگه قره گنده 3 دن تا 4 برابر کَمیگن، حاضر بو وزیرلیک آنه لر اولیمی‌دن 60 فایزی نی باشقره آله‌دی.
اوتکزیلگن ییغین‌ده اشتراک قیلگن ساغلیق‌نی سقلش وزیرلیگی مسؤوللری نینگ قابله‌لر خصوصیده ایتیشلریچه،
حاضرگه قدر افغانستان ده آنه‌لر اولیمی کمیشی اوچون آلیب باریلگن سعی و حرکت‌لر ییترلی ایمس، بو توغریده اوزاق مدت ایش آلیب باریش کیره‌ک دیگن‌لر.
وزیرلیک نینگ اورین باسری ناجیه طارق نینگ ایتیشیچه، آلیب باریلگن تیکشیرولرگه اساسن مملکت قابله‌لری قابلیتی آشگنی باعث آنه‌لر و ینگی توغیلگن باله‌لر ساغلیگی اوتمیش‌لرگه قره‌گنده یخشی بولگن.
خانم طارق‌گه کوره، میلادی 2012 – ییلده 40 فایز کوز یاریش حاللری ملکلی قابله‌لر آرقه‌لی عمل‌گه آشیریلیشی میلادی 2005 – و 2007 – ییل‌لرده قابله‌لردن ایش آلیش میزانی کوپیگنی‌نی کورسته‌دی.
شونینگ‌دیک عیال‌لر وزیرلیگی اورین باسری مژگان مصطفوی نینگ سوزلریگه کوره، مذکور وزیرلیک تامانی‌دن ساغلیق‌نی سقلش وزیرلیگی‌گه بیر لایحه تقدیم ایتیلگن، انه شو لایحه عمل‌گه آشیریلیشی بیلن میلادی 2015 – ییل اداغیگچه آنه‌لر اولیم میزانی کوزگه کورینرلی درجه‌ده کمیدی.
خانم مصطفوی گه کوره، مذکور ریجه گه اساسن، ساغلیق‌نی سقلش وزیرلیگی میلادی 2015- ییل گچه هر بیر یوزمینگ‌دن 1600 آنه اولیمی‌نی 400 گه کَمیتیرگن بو ایسه اوتگن اوچ ییلده اوشبو وزیرلیک مذکور ساحه‌ده یوتوققه ایریشگن لیگینی کورسته‌دی.
عین حالده، قابله‌لر ایشلرینی آلقیش‌له‌گن اجرائیه ریاستی نینگ عیال‌لر و یاش‌لر ایشلری بوییچه مصلحتچیسی خانم حبیه سرابی، قابله لر یمان شرایط لرده آنه‌لر و باله‌لر جانینی قوتقزیش‌گه موفق بولگن دیگن.
خانم سرابی، اجراییه ریاستی ساغلیق‌نی سقلش وزیرلیگی مسووللریگه هر تامانلمه همکارلیک قیله‌دی دییه ایتگن.
گزارش‌لرگه کوره، ییلده دنیا بویلب 200 مینگ‌دن آشه‌راق عیال و 3 میلیون‌دن آرتیق ینگی توغیلگن باله تورلی کسللیک‌لر باعث هلاک بوله‌دی.
