افغانستان ساغلیق‌نی سقلش وزیری فیروزالدین فیروز افغانستان‌لیک‌لرنینگ 30%گه یقینی روحی کسللیکلرگه چلینگن‌لیکلرنی ایتگن.
مملکت ساغلیق‌نی سقلش وزیری فیروزالدین فیروز بوگون کابل‌ده «روحی کسل‌لیک»لر خلق ارا کونی مناسبتی بیلن اوتکزیلگن ییغین‌ده ایتیشیچه، 73 % خاتین‌لر و 60 % ایسه ایرکک‌لر روحلی کسللیکلرگه چلینگن‌لر و باشقه 20 % ایسه باشقه روحی بیمارلیکلرگه دوچار بولگن‌لر. شونینگ‌دیک جناب فیروز مملکت اهالی 45%نینگ روحی کسل‌لیگی اضطراب و تشویش‌دن کیلیب چیقه‌دیدیگن.
جناب فیروز، اوروش، مخدرماده، تورلی جنایت‌لر، عایله‌وی زوروانلیک، ایش‌سیزلیک، اضطراب و تشویش انسان‌لر روحی کسل‌لیککه یولیقدیره‌دیگن بیرینچی عامل ایکن لیگینی باره‌سیده تاکدیدله‌گن.
شونینگ‌دیک مملکت ساغلیق‌نی سقلش وزیری جناب فیروز، مملکت بویلب1900 روحی کسل‌لیکلرنی دوالش مرکز فعالیت قیلیشی‌نی ایتیب، جلمه‌دن 300 مرکزده روحی کسللیکلرگه چلینگن شخصلر رواشناس‌لر آرقه‌لی مصلحت کوره‌دیلر.
ییغین‌ده اشتراک قیلگن بیرلشگن ملتلر تشکیلاتی ساغلیق‌نی سقلش بولیمی‌نینگ نمایده‌سی گیب ریل کیلگوسی ییل‌گچه 250 شفاکارنی بو ساحه‌ده تخصص کوریشی اوچون اروپاگه یوباریلیشی توغریسیده وعده بیرگن.
هر ییلی دنیانینگ بوتون مملکت‌لریده روحی کسل‌لیکلر خلق ارا کونی نشانلنه‌دی. افغانستان ساغلیق‌نی سقلش وزیرلیگی هم بو ییل «روحی کسل‌لیکگه حرمت قیلیش» شعار آستیده بو کوندن نشانله‌دی.
