بوگون «شنبه» کابل‌ده خبری ییغین اوتکزگن افغانستان بوییچه ناتو ملکی ایلچیسی زیمیرمن‌نینگ ایتیشیچه، افغانستانده بوندن سونگ، تینچلیک و اوروشنی بیردن ایزله‌یمیز.
اوشبو خبری ییغیندن مقصد، افغانستانده ناتو کوچلرینی حمایه قیله‌دیگن تورت کته مملکت آره‌سیده اویغونلیک و اوروش نقشه‌سینی ارایه ایتیش دییلگن.
افغانستان بوییچه ناتو ملکی ایلچیسی‌نینگ ایتیشیچه، حاضر طالب‌لر هم یوتوقلری اوروش ایمس، بلکیم تینچلیک‌ده بولگنینی بیلگن‌لر.
زیمیرمن گه کوره، اوشبو مسئله تورت دلیل‌گه تاقیله‌دی و بو دلیل‌لر حربی، اجتماعی، سیاسی باسقین و اوروش‌نینگ دینی تامانی سوراققه دوچ کیلگنی دیر و بو تورت دلیل اساسیده، طالب‌لر تینچلیک‌که یوزکیلتیریشی کیره‌ک.
عین حالده، داعش جنگریلری برابریده روسیه و ایران طالب‌لردن حمایه قیلیشی توغریسیده سلام‌وطندار خبرچیسی تامانیدن بیان ایتیلگن سوراق جوابی‌گه افغانستانده ناتو کوچلری قومندانی جان نیکلسون‌نینگ ایتیشیچه، داعش گروهی گه قرشی کوره‌ش‌ده ایران و روسیه طالب‌لردن حمایه قیلمس‌لری لازم.
جناب نیکلسون‌نینگ کوپه‌یتیریشیچه، داعش گروهی‌نینگ اصلی تشکیلاتی‌نی پاکستانلیک طالب‌لر تشکیل بیره‌دی و بو گروه ده چیت ایللیک‌لر رقمی آز دیر.
بوندن آلدین، افغانستان باشکینتی کابل و باشقه بیرقطار ولایت‌لرده طالبان گروهی‌نینگ هجوملری کوپه‌یگنی گه عکس‌العمل بیلدیرگن امریکا جمهور رییسی دونالد ترامپ، طالبان گروهی بیلن تینچلیک‌نی بی‌معنا بیلیب ایتیشیچه، طالب‌لرگه قرشی بیرینچی توغری یول اوروش دیر.
