د زابل د والي ویاند ګلاسلام سیال سلاموطندار ته وویل، دې ولایت کې د غوڅ ملاتړ ماموریت ځواکونو نن سهار وختي پر هغو وسلهوالو طالبانو هوايي بریدونه کړي چې هڅه یې کوله د ټاکنو بهیر ګډوډ کړي.
د نوموړي په وینا، یاد بریدونه په شاجوی، شینکۍ، میزانې، نوبهار او ښارصفا ولسوالیو کې شوي چې له امله یې ۱۱ طالبان وژل شوي او ۸ نور ټپیان دي.
بلخوا وسلهوالو طالبانو بیا په یوې خبرپاڼې کې ادعا کړې چې د یاد ولایت په یوشمېر ولسوالیو کې یې ټاکنیز مرکزونه تړلي، خو چارواکي دا ادعاوې بېبنسټه بولي.
