زابل کې یو هلک د ښوونځي ۱۲کلنه زده‌کوونکې او ځان ووژلو

نن دوشنبې سهار شاوخوا ۸ بجې یو هلک د زابل ولایت د ښار صفا ولسوالۍ د بازار کلي اړوند یو ښوونځي کې یوه ۱۲کلنه زده‌کوونکې ووژله او له هغې وروسته یې خپل ځان هم ووژلو.

وژل شوې جلۍ ستاره نومېدله او هلک محمد نعیم نومېد.

د زابل ولایت د امنیت امر سمونوال غلام جیلاني فراهي سلام وطندار ته وویل، چې د پېښې انګېزه تر اوسه نه‌ده معلومه؛ خو پولیسو یې په اړه پلټنې روانې کړې‌دي.

دا په زابل کې په خپل ډول کې لومړۍ پېښه ده.