زابل ولایتی معارف رسمی‌لری‌نینگ ایتیشیچه، مذکور ولایت معارف خصوصیده اوزاق پیت‌دن بویان جدی قیین‌چیلیک‌لرگه روپه‌ره بولگن. اولرنینگ ایتیشیچه، بو قیین‌چیلیک‌لر سبب 70 مینگ اوقووچی اونگی‌ده مکتب‌لر یاپیلگن و بو جمله‌دن 30 فایزی قیزلر دیر.
زابل ولایتی معارف ریاستی باشلیغی رحیم‌الله لودین، سه‌شنبه کون 27- اسد کندهارده خبرچی‌لر بیلن اوتکزگن صحبتیده، مذکور ولایت کوپینچه تومن‌لریده مکتب یوقلیگی اساسی قیین‌چیلیک‌لردن دیگن. جناب لودین‌نینگ ایتیشیچه، حاضرگچه خاک افغان، دای چوپان، شملزی، اتغر و نوبهار تومن‌لریده هیچ بیر مکتب یوق دیر.
زابل ولایتی معارف باشلیغی‌نینگ ایتیشیچه، تشکیل‌ده بو ولایت اوچون 240 مکتب اجره‌تیلگن و بو آره‌دن 140 مکتب‌نینگ ایشیگی اوزاق پیت‌لردن بویان اوقووچی‌لر برابریده یاپیلگن.
شونینگ‌دیک او، مذکور ولایت مکتب‌لریدن 80 فایزی‌گه بنا بولمه‌گنی معارف ریاستی اساسی کم‌چیلیک‌لریدن دیب ایتیشیچه، اوقووچی‌لردن کوپینچه‌سی خیمه‌لر و خیمه سیز میدانده تعلیم کوره‌دیلر.
ایتیلیشیچه، 140 مکتب جمله‌سیدن 100 مکتب ناتینچ‌لیک‌لر، مسلکی اوقوتووچی یوقلیگی و بیرقطار اداره‌لر اورته‌سیده‌گی اویغورسیزلیک‌لر باعث، ولایت اوقووچی‌لری برابریده یاپیلگن.
باشقه تاماندن، اوشبو ریاست مسعول‌لری‌نینگ ایتیشیچه، زابل اهالیسی همکارلیگی و اوشبو ولایت معارفی اوچون اجره‌تیلگن بودجه وقتی بیلن ییتیب کیلگن صورتده، بو قیین‌چیلیک‌لر حل ایتیلیشی ممکن.
معارف وزیرلیگی، حاضرگچه زابل‌ده‌گی 70 مینگ اوقووچی‌نینگ تقدیری توغری‌سیده هیچ نرسه دیمه‌گن.
شونینگ‌دیک جناب لودین، مذکور ولایت شاه جوی تومنی معارف اداره‌سی بیرقطار ایشچیلری‌نینگ آی لیگی قورال‌لی عصیانچی‌لرگه یوباریلیشی توغری‌سیده ترقه‌تیلگن گزارش‌نی رد ایتیب ایتیشیچه، دولتی اداره‌لرده ایشله‌یدیگن کیشی‌لر، اوزی‌نینگ اداره لایحه‌سی‌گه برابر قیلیشی لازم، حضوری و فعالیتی تأیید بولگنی‌دن کیین اونگه آی‌لیک بیریله‌دی.
زابل ولایتی‌گه قوشیمچه باشقه ولایت‌لرهم اوتکن 14 ییل‌ده معارف قیین‌چیلیک‌لری‌گه روپه‌ره بولیب کیلگن. بو جمله‌دن بیری لوگر ولایتی بولیب، خروار تومنی بیر دهه‌دن بیری بیرینچی مرته بیر کیشی‌نینگ 12- صنف‌دن فارغ بیرگن.
اوشبو اوقووچی کانکور سیناو بیریش اوچون کیله‌دیگن چاغیده یول یانیده ییرلشتیریلگن ماین‌گه دوچ کیلیب حیات‌دن کوز یومگن.
خروار تومنی‌ده 11 مکتب موجود، او جمله‌دن 6 ته‌سی یاپیلگن و باشقه‌سی کورینیشیچه فعال بولیب تورگن.
