زابل ولایتی نینگ اون بیر ولسواللیگی جمله‌دن خاک‌افغان، دای‌چوپان، اتغر و شمَلزایی تومنلریده نابرقرارلیکلر میزانی آشگنی باعث بوتون مکتبلر اوقوچیلری یوزیگه یاپیب قوییلگن.
نا تینچلیکلر یانیده ولایتده‌گی مکتبلرنینگ 90% بناسیز ایکن لیگی ایتیله‌دی. بیر قنچه اوقوچیلر آچیق فضاده درس اوقیشی تیلگه آلینه‌دی.
زابل معارف ریاستی هماهنگلیک و انتظام بولیمی نینگ مسوولی محمد موسی لودین، بو ریاست نینگ تشکیلده 222 مکتب بار، لیکن بو رقم دن فقط 48 مکتب فعال دیگن. قالگن 138 مکتب ایسه بوتون اوقوچیلر یوزیگه یاپیب قوییلگن دیدی جناب لودین.
شونینگدیک جناب لودین، حاضرگی کونده فعال بولگن مکتبلرده چمه‌سی 47 مینگ اوقوچی درس بیلن شغللنه دیلر دیگن. اونگه کوره، بولرنینگ 25%نی قیز طلبه‌لر تشکیل ایته‌دی.
زابل معارف اداره‌سی نینگ هماهنگلیک مسوولی، مملکت معارف وزیرلیگی اوشبو ولایت معارف ریاستی تشکیلاتینی باشقه ولایتلر اوچون اختصاصلتشیریگن و بو مساله ایسه زابل تعلیم و تربیه جریانینی ایسته – سیکین لیک‌که روپه ره قلگن دیگن.
بوندن نیچه پیت آلدین زابل ولایتی نینگ ولایت کینگشی اعضالری، ولایتده نابرقرارلیک میزانی آشگن لیگینی اظهار قیلگن بیر چاغده، معارف ریاستی نینگ مسوولری، مکتبلرنینگ یریمی اوقوچیلر یوزیگه یاپق حالتده قالماقده لیگی توغریسیده تشویش بیلدیرماقده‌لر.
