ریکا آلتینچی ییغینی بوگون کابل‌ده باشلندی. مذکور ییغین‌ده اوتیزمملکت و قیردن آرتیق خلق ارا تشکیلات‌لرنینگ وکیل‌لری اشتراک قیلگن. افغانستان تشقی ایش‌لر وزیرلیگی نیچه کوندن بیری اوشبو کنفرانس اوتکزیلیشی اوچون تیارگرلیک کورردی. ریکانینگ بیرینچی ییغینی میلادی 2005- ییل کابل‌ده اوتکزیلگن ایدی و بو حرکت تشقی سیاست بولیم‌ده افغانستان نینگ منطقه‌یی بیرینچی ابتکاری سنه‌لردی. ریکانینگ بیشینچی اولتیریشی «دوشنبه» اوتکزیلگن ایدی اونده «ایرکین افغانستان و خوفسیزلیگی تامین ایتیلگن منطقه» آیده‌سی طرح ایتیلگن مهم مساله ایدی. افغانستان دیپلوماسی دستگاهی ریکا آلتینچی ییغینی‌گه قدر مذکور موضوع‌نی اورگه‌نیب چیققن‌لر.
دنیا و منطقه‌یی بوتون ییغین‌لرده کابل نینگ معین موضوعی خوفسیزلیگی تامین ایتیلگن افغانستان منطقه‌ده تینچ‌لیک کفالت له‌نیشی‌گه تاکیدلنگن. افغانستان هر دایم قوشنی مملکت‌لریگه افغانستان نابرقرارلیگی بوتون منطقه ناتیچ‌لیگی دییه بیلدیریب کیلگن. اوتگن نیچه دهه مذکور ادعانینگ یقال مثالی دیر. ییتمیشینچی ییل‌لرده افغانستان ایچکی اوروش‌لر اوتیده یانه یاتگن‌ده مرکزی آسیاهم نابرقرارلیککه یوز توتگن ایدی. اوروش تاجیکستان چیگره‌لریدن چین جمهوریتی داغستان و روسیه‌گه ییتگن ایدی.
افغانستاند‌ه قورال‌لی طالب‌لر حرکتی اورته‌گه کیلیش بیلن چین و داغستان‌ده اوروش کینگیه باشله‌دی. اوزبیکستان اسلامچی مخالف‌لری هم افغانستاننی اوز مرکزیگه ایلنه باشله‌دی. منطقه چیگره‌لر خوفسیزلیگی حتی امریکه نظریدن چیت‌ده قالمه‌دی. میلادی 2004- ییلده‌گی اوروش منطقه دولت‌لریگه هم تاثیر تشله‌دی. حاضرگی کونده افغانستان شمالی‌ده‌گی جنگری گروه‌لرنینگ اصلی آرمانی اوروش ایتگینی مرکزی آسیا تامان‌لریگه تارتیش دیر. پاکستانلیک طالب‌لرهم پاکستاننی نابرقرار قیلیشگن. پاکستاندهگی نابرقرارلیک دنیا بویلب تشویش‌گه باعث بولگن. دنیا پاکستاندهگی اتم قورال‌لی عصیانچی گروه‌لر قولی‌گه توشیشی حقیده خواطرده.
امنیتی تامین ایتیلگن افغانستان‌گه ایگه بولگن حالده، اوروش جریانی افغانستان قوشیمچه منطقه دولت‌لریدن ییغیله‌دی. ملی بیرلیک حکومتی وجوگه کیلیشی بیلن افغانستان مرکزی جنوبی آسیا اوچون کوپریک بولیشی‌نی اعلان قیلدی. افغانستان ملی بیرلیک حکومتی افغانستان آسیا قطعه‌سی اقتصادی جهت‌دن رواجله‌نیشی اوچون یخشی رول اوینه‌شیگه ایشانردی. آسیا قطعه‌سی اقتصاد روالجه‌نیشی اوچون ییریک قابلیت‌گه ایگه. دنیانینگ مهم سوو وطبیعی کانل‌لری اوشبو قطعه‌ده جایلشگن. موجود برچه بالقوه قابلیت‌لر اقتصاد یوکسلتیریلیشی اوچون هم موضوع سنه‌له‌دی.
افغانستان مرکزی آسیا انرژی منبع‌لرینی جنوبی آسیا فابریکه‌لری بیلن باغلیب و ایران چین بیلن قوشیلگن حالده، آسیا اقتصادی رواجله‌نیشی اوچون ییریک حصه قوشه آلیشمیز ممکن دیگن. جنوبی آسیانینگ فابریکه‌لری جمله‌دن هندنینگ ییریک اقتصادی مرکزی آسیانینگ انرژی منبع‌لریگه جدی احتیاجی بار. بحران‌گه دوچار بولیب تورگن پاکستان اقتصادی مرکزی آسیانینگ انرژی سی‌گه ضرورتی بار. مرکزی آسیا بازارلری جنوبی آسیا اینیقسه هندوستان‌ده ایشلب چیقاریگن تورلرنی پذیرالیک قیله‌دی.
افغانستان مرکزی آسیا بازاری و اونینگ سرشار انرژی منبع‌لرینی هندگه باغله آله‌دی. ایران افغانستان توپراغی آرقه‌لی چین‌گه قوشیلیشی ممکن. پاکستان هم افغانستان توپراغی آرقه‌لی مرکزی آسیا جمله‌دن تاجیکستان‌دن برق کیلتیره آله‌دی. مرکزی آسیانینگ قوریق‌لیگی‌ده جایلشگن ممکت‌لر جمله‌دن افغانستان پاکستان نینگ سوولی بندری بیلن قوشیلیب دنیاده ایرکین تجارت قیلیش‌گه موفق بوله‌دی. ایریم شرکت‌لرهم ترکمنستان گازینی ایستیدی. ترکمنستان داخل او مملکت‌ده سرمایه یاتقیزه‌دیگن‌لر افغانستان‌گه احتیاج بولیش‌لری کوتیله‌دی. ترکمنستان گازینی ارزان قیمت‌ده اوتکزیش یولی افغانستان توپراغی‌ده جایلشگن. انه شو سبب ترکمنستان گاز قووری افغانستان آرقه‌لی پاکستان‌گه ییتکزیلیش آیده‌سی اورته‌گه چیققن. مذکور لایحه نابرقرارلیک‌لر سبب هنوز عمل‌گه آشیریلمه‌گن، اما، منطقه دولت‌لری همکارلیک قیلگن حالده، بو لایحه‌نینگ عملی بولیشی ممکن.
ریکا آلتینچی ییغینی انه شو مناسبت اوچون کابل‌ده یولگه قوییلگن. بو ییغین‌نی کابل‌ده اوتکزیلیشی منطقه دولت‌لری‌نینگ کوپچیلیگی نظریه سطح‌ده خوفسیزیلیگی تامین ایتیلمه‌گن بیر افغانستان وجودگه کیلمه‌گن حالده، اقتصادی رواجله‌نیش‌گه ایریشیلمس‌لیککه ایشانگن‌لر. ریکانینگ ایکی کونلیک ییغینی‌ده اقتصادی همکارلیک‌لر یول‌لری کینگیتیریلیشی ییریک لایحه‌لر عمل‌گه آشیریلیشی اوچون اساسی یول‌لرنی قدیریش کبی موضوعلر اوستیده بحث آلیب باریلیشی نظرده توتیلگن. ییغین‌گه میزبانلیک قیله‌دیگن کابل ییغین موضوع‌لری چابهار، هند مرکزی آسیاگه قوشیلش طرحی و تاجیکستان برقی پاکستان‌گه اوتکزیلیشی توغری‌سیده کوپراق بحث آلیب باریلیشی اوچون سعی وحرکت قیله‌دی. لاجورد، ایپک یولی و تیمیر یول برنامه‌سی ییغین‌ده محاکمه بوله‌دیگن موضوع‌لردن سنه‌له‌دی. اوشبو ییغین موفقیت‌لی اوتکزیلیشی مملکت دیپولوماتیک تاریخی‌ده ییریک یوتوق حسابلنه‌دی.
