نیچه کون آلدین آمریکالیک واشنگتنپُست کوندهلیگی تامانیدن ترقهتیلگن گزارش کوره، آمریکالیک مقاملر افغانستانده بولگن اوروش استراتیژیلری کمچیلیکلر بیلن روپهره بولگن و آمریکا دولتی افغانستانی باثبات بیر مملکتگه اوزگرتیریش اوچون میلیونلرچه دالر هزینه قیلگن.
بیراق، بوگون "پنجشنبه" «امنیتی و دفاعی کوچلر قطاریده عیاللرنینگ حضوری» برنامهسیده مملکت بیرینچی بانوسی رولا غنی نینگ ایتیشیچه، آمریکا تامانیدن افغانستانده یاردم بیریلگن پول بوتونلی صورتده افغانستانگه هزینه ایتیلمهگن، بلکیم اوشبو پولنی کته بیر بولیمی افغانستانده جایلشگن آمریکالیک عسکرلرگه هزینه ایتیلگن.
خانم غنیگه کوره، آمریکا اوتگن 18 ییل جریانیده افغانستانده 2 تریلیون دالر هزینه قیلگن و بو جملهدن 121 میلیاردی امنیتی، اقتصادی و بنگیوار مادهلرگه قرشی کورشیش بولیملریده هزینه ایتیلگن.
واشنگتنپُست کوندهلیگینینگ اختیاریگه توشگن حجتلرگه کوره، اوتگن 18 ییل جریانیده آمریکا ییریک مقاملری افغانستان اوروشینی موفق بیلدیریش اوچون حقیقتلرنی آمریکا اهالیسیگه ایتمهگن.
اوشبو گزارشده دولتی مقاملر و حربیلردن یوزلرچهسی افغانستان اوروشی نینگ ناکاملیگی خصوصیده صحبت قیلگنلر و نتیجهده بو اوروش یوتوقلیگینی ناممکن عنوان قیلگنلر.
