ایریم گزارش‌لرده روسیه دولتی افغانستان حکومتی‌گه نیچه‌ته حربی تیک اوچر کومک قیلیشی ایتیله‌دی. افغانستان ایش‌لری بوییچه روسیه جمهور رییسی‌نینگ مخصوص نماینده‌سی ضمیر کابلوف‌نینگ ریاتووستی خبرآژانس لیگی‌گه ایتیشیچه، افغانستان‌گه بیریله دیگن حربی همکارلیک‌لر بیر شرطنامه اساسیده عملی بوله‌دی.
جناب کابلوف‌نینگ روسیه جمهور رییسی ولادیمیر پوتین‌گه اساسلب ایتیشیچه، مذکور حربی تیک اوچرلرنینگ نرخی توغریسیده امریکه کوچلری بیلن مذاکره بولیشی لازم. اونگه کوره، ایکله مملکت هم مذکور حربی طیاره‌لر پولینی تولش‌نی اوز ذمه لریگه آلیش‌لری شرط. روسیه‌نینگ مذکور تیک اوچرلری (МИ-35) دیب اته‌له‌دی.
جناب کابلوف‌گه کوره، روسیه دولتی بیر کیلیشوو اساسیده افغانستان حکومتی‌نینگ اختیاریگه ایریم آغیر و اینگل حربی جهازلرنی قوییشی ممکن. اونینگ سوزلریگه قره‌گنده، افغانستان جمهور رییسی محمد اشرف‌غنی مذکور طیاره‌لر ساتیب آلینیشی اوچون امریکه دولت مالی همکارلیک قیلمیدی.
روسیه‌نینگ افغانستان اوچون مخصوص نماینده‌سی، امریکه دولتی افغانستان حکومتی سقوط قیلمس لیگی‌گه طرفدار بولگن حالده، افغانستان دولتی اختیاریگه زمانوی حربی جهازلرنی قوییشی اساسی بیر مساله دیر. شونینگ‌دیک او افغان حربی کوچلری زمانوی قورال اسلحه بیلن جهازله‌نیشی توغریسیده تاکیدله‌گن.
افغانستان اوزاق ییل‌لردن بیری آغیر قورال اسلحه‌گه ایگه بولمهگنلیگی اینیقسه زمانوی هوا کوچلریگه صاحب بولمه گنلیگین‌دن اذیت چیکه‌دی. مملکت ملی کوچلری‌نینگ کوپچیلیگی اوروش جریانی‌ده هوا کوچلریگه ایگه بولمهگنلیگی سبب اوز شرین جانلرینی قولدن بیره‌دیلر.
افغانستان سابق جمهور رییسی حامد کرزی نیچه مرته دنیا جماعه‌چیلیگی اینیقسه امریکه قوشمه ایالت‌لریدن افغان ملی کوچلری‌نی زمانوی قورال اسلحه لر بیلن جهازله‌نیشی‌نی سوره‌گن ایدی. اما، دنیا جماعه‌چیلیگی افغانستان حکومتی‌نینگ بونده‌ی اساسی بیر ایستگی‌گه ایجابی جواب بیرمه‌گن.
