کنر ولایتیدن دولتی بیر منبع نینگ ایتیشیچه، پاکستان حربیلری افغانستان نینگ چیگرهیی بولیملری گه موشک آتیشهدی و یالغیز اوتگن کون کنر ولایتی گه 29 موشک آتیشگن.
اوشبو منبع آتی فاش ایتیلیشینی ایستمهی سلاموطندارگه ایتیشیچه، اوشبو موشکلر کنر ولایتی تاغلی بولیملری، چوگام منطقهسی و شلتن تومنی گه توشگن.
منبع گه کوره، اوشبو موشکی هجوملرده کیمسه گه زیان ییتمهگن.
کنر پولیس قومندانلیگی سوزلاوچیسی یوسف مظلومیار، پاکستان حربیلری تامانیدن آتیلگن موشکلرنی دقیق رقمی توغریسیده هیچ نرسه دیمهیدی، بیراق کوپهیتیریشیچه، اوشبو موشکلر شلتن تومنی نینگ تاغلی بولیملری گه توشگن.
اوتگن چهارشنبه کون، 25- سرطان، پاکستان حربیلری کنر ولایتی نینگ مرکزی اسدآباد بولیمی و سرکانو و مروره تومنلری گه نیچه موشک آتگن و نتیجه ده 8 تینچ اهالی هلاک و باشقه 11 کیشی یرهلنگن.
پاکستان رسمیلری حاضرگچه بو توغریده فکر بیلدیرمهگن.
کنر ولایتی نینگ ایریم بولیملری گه پاکستان حربیلری تامانیدن موشک آتیلگنیدن سونگ، مملکت تشقی ایشلر وزیرلیگی بیر خبرنامه آرقهلی بو هجومنی قارهلب و پاکستاندن بوندهی حرکت دن قول تارتیشینی سورهگن.
اوتگن هفته مملکت تشقی ایشلر وزیرلیگی سرپرستی محمدحنیف اتمرنینگ ایتیشیچه، پاکستان نینگ موشکی هجوملری توختهتیلیشی اوچون ایکی مملکت نینگ منفعتینی نظرگه آلیب امنیتی ییغین یولگه قویهدی.
