کابل هوا قونالغه‌سیده اوتگن بیر ییل‌ده قاچاقچی‌لرنینگ قولیدن آلینگن یوزلرچه قدیمی اثر و چین نینگ هنگ‌کنگ شهریده بولگن «بودا هیکلی» بوگون افغانستان ملی موزیمی گه تاپشیریلدی.
اوشبو اثرلرنینگ رقمی 502 قلم گه ییتیشه‌دی و بولرگه آلتین سکه‌لر، تأریخی ظرف‌لر، تورلی دوره‌لرگه عاید هیکل‌لر و «روزه‌لی بودا» آتلی قدیمی بیر اثر شامل بوله‌دی.
ملی موزیم مسؤولی فهیم رحیمی نینگ ایتیشیچه، روزه‌لی بودا آتی گه تانیلگن قدیمی اثرنینگ تأریخی اوچینچی و تورتینچی میلادی عصرلرگه ییتیشه‌دی و بو اثر میلادی 1993- ییل‌ده افغانستان موزیمی دن اوغیرلنگن و 26 ییل‌دن سونگ، قیته‌دن افغانستان ملی موزیمی گه قیتریلگن.
جناب رحیمی نینگ ایتیشیچه، قدیمی اثرلر مملکت نینگ گنجینه‌لرینی بیر قسمی دیر و حکومت بو اثرلرنی سقلش و باشقه اثرلرنی مملکت گه قیتریش خصوصیده، دقت قیلیشی کیره‌ک.
مدنیت و معلومات وزیرلیگی نینگ صنعت و مدنیت اورین باسری رسول باوری نینگ ایتیشیچه، قدیمی اثرلردن 70 مینگ قلمی ایچکی اوروشلر جریانیده اوغیرلنیب و مملکت‌دن تشقری قاچاق قیلینگن، بیراق اولردن بیرقطاری مملکت گه قیتریلگن.
افغانستان ملی موزیمی، قویاش 1297- ییل‌ده قدیمی اثرلرنی سقلش اوچون کابل‌ده ایجاد ایتیلگن. اوشبو موزیم ایچکی اوروشلردن آلدین منطقه بوییچه بای موزیم‌لردن بیری ایدی و 1992- ییل‌گچه مملکت نینگ کمیده 100 مینگ قدیمی اثری و تانیقلی مجموعه 35000 سکه‌نی اوزیده جای بیرگن ایدی و مملکت ده سیاحتچی‌لرنینگ اونملی جاذبه‌لریدن بیری حسابلنردی.
شو توغریده…
پکتیا مدنیتچی‌لری؛ اوشبو ولایتده تأریخی اثرلر نابود بولماقده
