افغانستان تشقی ایشلر وزیرلیگی نینگ مسووللری بیر خبرنامه نشر قیلیب، پاکستان توپراغیده فعالیت قیله‌دیگن ترورچی گروهلرنینگ 32 مرکزی رویخطینی افغانستان نینگ اسلام آباده‌گی ایلچیلیگی آرقه‌لی رسمی پاکستان تامانیگه تاپشیرگنلیکلرینی معلوم قیلدیرلر.
خبرنامه نینگ بیر بولیمی‌ده افغانستان تامانی طالبلر و باشقه ترورچی گروه لردن عبارت 85 کیشیلیک بیر رویخط‌نی پاکستانگه تاپشیریب مذکور شخصلر قولگه آلینیشی اوچون رسمی کابل‌گه همکارلیک قیلیشی سوره‌لگن لیگی قید ایتیلگن.
بوگون (دوشنبه) وزیرلر کینگشی‌ده گپیرگن اجراییه ریاستی باشلیغی عبدالله عبدالله، اخیرگی وقتلرده پاکستان نینگ افغانستان حکومتی‌گه نسبتن باغله‌گن بوتون عیبلاولرنی کیسکین رد قیلدی. لیکن، ترورچی گروه‌لر نابود بولیشی اوچون صادقانه همکارلیک‌که احتیاج بار دیگن او.
افغانستان تامانی دایم یره‌ش یولی بیلن سیاست‌نی آلغه سورگن دیگن جناب عبدالله. بو مملکت‌نی ترورچیلرنی حمایت قیلگن‌لیکده عیبدار بیریش ییریک جفا سنله‌دی دیگن عبدالله عبدالله.
سیاسی تحلیلچیلردن جاوید غفور، پاکستان ترورچیلرنی اصلی مرکزی ینه بو گروه‌لرنی حمایت قیلیگن‌لیکده تانیلیب کیلگن دیگن. حال ایسه بو ذهنیت‌نی اوزگرتیریش اوچون سعی و حرکت قیله دی دیگن سیاسی تحلیلچی.
اونینگ تعبریچه، سونگی کونلرده صادر بولگن هجوملر ینه چیگره نینگ ایکی تامانیده‌گی حرکتلر پاکستان برنامه‌سی نینگ بیر بوله‌گی سنه‌له‌دی.
سند ایالتیده یوز بیرگن پارتلش‌دن سونگ، پاکستان افغانستان ترورچیلر مرکزی دییه عیبله‌دی. رسمی اسلام آباد تورخم چیگره‌سینی افغانستانلیکلر یوزیگه یاپیش دن علاوه ننگرهار و کنر ولایتلرینی راکته هجوم آستیگه آلدی.
