.jpg)
غور ولایتی‌نینگ تیوره تومنی طالبلر نظارتی‌گه اوتدی. حکومت محلی رسمی‌لری‌نینگ ایتیشیچه، طالبلر تیوره تومنیده کیریشی بیلن مذکور تومن کسل‌خانه‌سیگه یوریش قیلیب داکترلر و کسللرینی اوققه توتگن و کسل‌خانه ساختمانینی ایسه اوتده یاندیرگن.
غور والیسی غلام ناصر خاضع‌نینگ سلام‌وطندارگه ایتیشیچه، طالبلر تومن‌نینگ اداری ساختمان‌لرینی هم اوتده یاندیرگن و یشاوچیلرنینگ یشش بنالریدن اوزلریگه پوسته قیلیب امنیتی کوچلر برابریده استفاده قیلگنلر.
جناب خاضع، اوروش شدتلنگن زمان هوادن عملیات اوتکزیلیشینی طلب قیلگن، اما کوتیب قالیشلری بیلن «هوایی کوچلر هنوز هم کیلمه‌گن.» لیگینی معلوم قیله‌دی.
غور پولیسی‌نینگ سوزلاوچیسی اقبال نظامی هم تیوره تومنیده اوروش شدتله‌نیشی بیلن، طالبلر شهرک و پسابند تومنلری اوستیگه هم نیچه تاماندن هجوم قیلگن دیگن.
غور پولیسی سوزلاوچیسی‌نینگ ایتیشیچه، امنیتی کوچلر تینچ اهالیگه تلفات کیلیش آلدینی آلیش اوچون تومن مرکزیدن آرقه‌گه چیکلنگنلر و شو حاضر تومن مرکزیدن 5 کیلومتر فاصله‌ده موضوع آلگنلر دیگن.
اونگه کوره، حاضرگه قدر امنیتی کوچلردن 5 کیشی جان بیرگن و باشقه 5 ته‌سی ایسه یره‌لنگن و حاضرگه قدر طالبلرنینگ تلفاتی باره‌سیده انیق معلومات قولده ایمس.
.jpg)
شونینگدیک غور یشاوچیلریدن اونلرچه‌سی مرکزنی بوباره‌ده جیم قالیشی‌گه قرشی‌لیک بیلدیریب ولایت ایشیگی‌گه ناراضی‌لیک نماییش اوتکزگنلر.
اعتراضچیلر حکومت‌دن تیزلیکده تیوره تومنیده ینگی کوچ یوباریلیشینی ایسته‌گنلر.
بیراق طالبلرنینگ سوزلاوچیسی ذبیح‌الله مجاهدنینگ ایتیشیچه، اوروش جریانیده امنیتی کوچلردن 46 کیشی جان بیرگن و باشقه 50 گه یقین ایسه یره‌لنگن. مذکور گروه سوزلاوچیسی‌گه کوره، طالبلردن 4 کیشی اولدیریلیب و باشقه 9 ته‌سی یره‌لنگن.
جناب مجاهد، داکترلر و باله‌لرنی اوققه توتیلیش خبرینی رد قیلیب، حتی تیوره تومنی یشاوچیلری طالبلردن حمایت قیلگن دیدی.
اوروش چیزیغیده یره‌لنیب مداوا قیلیش اوچون کیلتیریلگن کماندو کوچلریدن بیری حکیم‌الله نینگ ایتیشیچه، هوایی کوچلری یاردم بیرمه‌گنی و ییردن امنیتی کوچلر آزلیگی سبب، کماندو کوچلریدن کوپیسی یره‌له‌نیب منطقه‌ده قالگنلر.
بوتوغریده:
فاریاب کوهستان تومنی طالبلر تصرفیده؛ امنیتی کوچلردن 200 ته‌سی قملگه
غور ولایتی‌نینگ تیوره تومنی طالبلر تصرفیگه اوتدی
