افغانستان ایرکین رسانه‌لری باشلیغ‌لری حکومت‌دن سیلاوگه اصلاحات کیلتیره‌دیگن کمیسیون ایشلرینی عمل‌گه آشیریلیشی‌نی سوره‌دیلر.
اولرگه کوره، افغانستان اهالیسی سیلاولر باره‌سیده ایشانچلرینی قولدن بیرگن ایدیلر و بو قولدن کیتگن ایشانچ‌لرنی قیته تیکلش اوچون، گینه سیلاونظامی‌گه اصلاحات کیلتیره‌دیگن کمیسیون پیشنهادلری عمل‌گه آشیریلیشی بیلن بوله‌دی.
بوگونکی کابلده اوتکزیلگن افغانستان ایرکین رسانه‌لرینی حمایت قیله‌دیگن نهاد (نی) آرقه‌لی (افغانستان سیلاونظامی اصلاح ایتیش باره‌سیده رسانه‌لر ایریک مدیرلری‌نینگ) اولتیریشی‌ده قتنشگن‌لر، اوز فکر و ملاحظه‌لرینی مذکور کمیسیون اورین باسریگه ایش آلیش نیتیده تاپشیردیلر.
سیلاونظامی‌گه اصلاح کیلتیره‌دیگن کمیسیون اورین باسری صدیق‌الله توحیدی‌نینگ بیلدیریشیچه، پارلمانی سیلاوده ناملنه‌دیگنلر تحصیلی درجه‌سی کوزگه توتیلیشیدن باشقه بولیم‌لری اساسی قانونگه قرشی ایمس وجمهور رییس هم شو بولیم‌دن باشقه‌سینی رد قیلمه‌گن.
سیلاونظامی‌گه اصلاحات کیلتیره‌دیگن کمیسیون اورین باسریگه کوره، اولرتامانیدن بیریلگن پیشنهادگه کینگش‌ده نام بیره‌دیگنلر تحصیلی درجه‌لری کمیده «لیسانس» بولیشی ایتیلگن ایکن، فقط شو اساسی قانونگه قرشی چیقگن‌لیگی اوچون جمهور رییس رد قیلگن.
جناب توحیدی‌نینگ بیلدیریشیچه، جمهور رییس بو پیشنهادلردن 3 ته‌سینی قیته تیکشیریلیشی اوچون مذکور کمیسیونگه یوبارگن.
اوتگن کون جمهور رییس بیر بویروغ اساسیده سیلاونظامی‌گه اصلاح کیلتیره‌دیگن کمیسیون پیشنهادلریدن 7 ته‌سینی قبول قیلدی. ایتیلیشیچه، جمهور رییس بو 3 پیشنهادنی «حقوقی یوللرتیکشیریش، فنی و تطبیق بیریلیش یوللرینی تاپیش اوچون مذکور کمیسیونگه یوبارگن.
بو پیشنهاد ایتیلگن 3 لایحه ایشینی اجرایی ریاست آرقه‌لی جمهور رییس‌گه ارایه بولیشی کوتیله‌دی.
مذکور کمیسیون، رای بیره‌دیگنلر لیستی‌نی ترتیب بیریش و آواز بیریش حوزه‌لری قیسقرتیریش، پیشنهادلردیرکه سیلاونظامی‌گه اصلاح کیلتیره‌دیگن کمیسیون تامانیدن تیکشیریلیشی کوزه تیله‌دی.
شونینگ‌دیک توحیدیگه کوره، اوشبو کمیسیون؛ سیلاوده تخلف قیله‌دیگنلر اوچون 67 ایشدن بوشه تیلیشدن توتیب، 5 ییل قماقده قالیش جرملرینی کوزگه توتگنلر.
توحیدی‌نینگ ایتیشیچه، اوتمیش سیلاولرده 21 میلیون آواز بیریش کارت افغانستان یشاوچی‌لریگه ترقه‌تیلگن ایکن، اما کارتلر اونچه‌لیک اعتبارلی ایمس. او، کمیسیون پیشنهادیگه قره‌گنده، ترقه تیلگن کارتلر بوتونلی باطل بوله‌دی و باید قیته‌دن سیلاو کمیسیونی ینگی کارت توزیع قیلیشی ممکن.
عین حالده، کوپلب مذکور اولتیریشده قتنشگن‌لر، سیلاو نظامی‌گه اصلاح کیلتیریش کمیسیون پیشنهادلری شوحاضر عمل‌گه آشیریلیشی ناممکن‌لیگی‌نی اورغولیدی و کمیسیون تامانیدن تیکشیروولر اوتکزیلیشی‌نی بیلدیره‌دیلر.
