د نومبر میاشت نه تر اوسه پورې د ترکيې پخوانی حکومت په قدرت کې دی او په دغه هېواد کې هيڅ يو ګوند هم ونه شوی کړی، چې د پارلماني څوکيو اکثریت تر لاسه کړي.
وروسته له څو میاشتو اوس د ترکيې ولسمشر رجب طیب اردوغان د دغه هېواد له صدر اعظم احمد داود اوغلو سره له خبرو اترو وروسته د موقت حکومت د جوړېدو منظوري ورکړه.
دغه موقت حکومت به د نويو ټاکنو د ترسره کېدو پورې دوام وکړي.
د ولسمشر د منظوري پر بنسټ به پخوانی حزب، چې د طیب اردوغان په وخت کې ګټونکی وو اوس هم تر راتلونکي ټاکنو پورې په خپل حال پاتې وي.
طیب اردوغان روان ميلادي کال د نومبر لومړۍ نېټه په ټول هېواد کې یوځل بیا د ولسمشریزو ټاکنو د ترسره کېدو نېټه اعلان کړ.
د يادولو ده، چې په تېر جون میاشت کې د جماعت حزب له لوري د مخلوط حکومت د جوړولو له پاره د اکثريتو رايو په اخیستو بريالی نه شول.
د ترکيې ولسمشر رجب طیب اردوغان وروسته له هغه د رسمي ټاکنو غوښتونکی شو، چې یوه ورځ وړاندې د نوي حکومت د تشکیل له پاره وروستی مهلت بې پایلې پای ته ورسېده.
یاده دې وي، چې له ۲۰۰۲ م ز کال وروسته د لومړي ځل له پاره د اردوغان حاکم ګوند په تېرو ټاکنو کې د پارلمان اکثریت له لاسه ورکړ.
که څه هم د ولسمشریزو ټاکنو وروسته د ایتلافي حکومت د جوړونې له پاره ډېرې هڅې وشوې، خو بریالي نه شول.
