افغانستان ملی اسلامی جمعیت حزبی نینگ رئیسی صلاح‌الدین ربانی نینگ ایتیشیچه، وزیرلیک، ایلچی‌خانه و اورین باسرلیک قولگه کیریتیش اوچون باشقه لرنینگ قدرتی‌گه شریک بولیش کیچیک و اساس‌سیز مقصد دیر.
اونینگ تاکید قیلیشیچه، حزب‌لرنینگ اساسی مقصدی باشقه‌لرنینگ قدرتی‌گه شریک بولیش ایمس، بلکیم مشروع سیاسی قدرت‌نی کسب قیلیش.
بوگون "پنجشنبه" جناب ربانی نینگ کابلده خبری بیر ییغینده ایتیشیچه، اسلامی جمعیت حزبی‌نی تینچلیک‌که قرشی عنوان قیلگن کیشی‌لر اوزلری تینچلیک بیلن سیاسی اویین اوینه‌یدی.
جمعیت حزبی رئیسی نینگ ایتیشیچه: «مشروعیت‌نی جمهورلیک ریاستی سیلاو نینگ نتیجه‌سی بیره‌دیگن کیشی‌لر طرفدارلریگه نیمه جواب قیتره‌دی؟ اگر ده مشروعیت‌نی جمهور رئیس اشرف غنی و عبدالله عبدالله آره‌سیده امضا ایتیلگن کیلیشوونامه‌گه بیلسه‌لر نیمه اوچون اوشبو مورد کیلیشوونامه‌گه ذکر قیلینمه‌گن؟»
ربانی نینگ تاکید قیلیشیچه، اسلامی جمعیت حزبی هرقنده‌ی فشار و دسیسه‌لرگه اعتدال‌نی فراموش قیلمه‌یدی و هردایم قدرت‌ده حضور تاپه‌دی.
افغانستان اسلامی جمعیت حزبی نینگ باشلیغی، اوشبو حزب کنگره‌سی نینگ تیزلیک‌که یولگه قویلیشیدن خبر بیریب و بو توغریده بیر کمیته موظف قیلگنی‌نی بیلدیره‌گن.
اوشبو حزب بیرقطار اعضالری اوتگن هفته عطامحمد نور نینگ ریاستیده بیر ییغین اوتکزیب صلاح‌الدین ربانی نینگ جمعیت حزبی باشلیغی دن چیکلنتیرگنی‌دن سونگ، جناب ربانی اوشبو صحبت‌لرنی بیان قیلگن.
