د بغلان ولایت اوسېدونکي اسلامالدین کورنۍ او خپلوان نن د ټاکنیزو شکایتونو اورېدلو کمېسیون مخې ته راټول شوي او له کمېسیونه غواړي چې د ټاکنو له لومړي لېسته د دلاور ایماق نوم وغورځوي.
دوی ادعا کوي چې اسلامالدین ۱۰ میاشتې مخکې په بغلان کې د خپلې کوژدې د کور په لوري روان و چې د مجاهد جبار په نوم د ایماق د یو قوماندان له لوري ووژل شو. د اسلامالدین مور وايي، که ښاغلی ایماق بیاځلي ولسي جرګې ته لاره پيدا کړه؛ زور یې څو چنده کېږي او د دوی ژوند ورسره له ستونزو ډکېږي.
په ورته وخت کې د دلاور ایماق سکرټر مسعود سعد سلام وطندار ته وویل، دوی د مجاهد جبار په نامه کوم قوماندان نه پېژني او دا د دوی پرضد د ټاکنیزو رقیبانو توطیه ده.
د ښاغلي سعد په وینا، د دا ډول دوسیو د څېړلو مسوولیت د عدلي او قضايي بنسټونو دی؛ نه د ټاکنیزو شیکایتونو کېسیون.
د ټاکنیزو شکایتونو له کمېسیونه د ځواب اخېستلو په پار زموږ هېڅې بېپایلې شوې؛ خو دې کمېسیون څه موده مخکې اعلان کړیو چې د شکایتونو د ثبت وخت پای ته رسېدلی دی.
