د کونړ ولایتي شورا مشر ولایت خان مشواڼۍ سلاموطندار ته وویل، بېګاه د شپې شاوخوا درې بجې وسلهوالو طالبانو د دې ولایت د اسمار ولسوالۍ د ډمبرو او خانانو کڅ کلي کلابند کړي وو او له هغه ځایه یې د یو ملک په ګډون ۸ ولسيوکړي له ځانه سره وړي دي.
ولایت خان وايي، طالبانو په تېر کې د دغو سیمو خلکو ته خبرداری ورکړی و چې دولتي دندې پرېږدي، خو د خلکو له لوري د رد ځواب نه وروسته یې تېره شپه ولسيخلک برمته کړي دي.
د ولایتي شورا مشر وايي، د کليو د محاصرې پرمهال امنیتي ځواکونو هم عکس العمل وښود؛ خو دغه ډله د خلکو په وړلو بریالۍ شوې وه. هغه وايي، برمته شویو کې ځېنو کسانو دولتي دندې لرلې.
د کونړ امنیې قوماندان مل پاسوال حق نواز حقیار د پېښې پخلی کوي او وايي، د دغو خلکو د خلاصي لهپاره په قومي کچه هڅې پیل شوي او ښايي ژرترژره راخوشې شي.
تراوسه طالبانو په دې اړه څه نه دي ویلي.
