د کندوز د امنیې قوماندانۍ ویاند انعامالدین رحماني سلاموطندار ته وايي چې بېګا د شپې ۲ بجې د دې ولایت د تکواندو فدراسیون د رییس کامل کریمي موټر د سپينزر په سیمه کې له یو بل موټر سره له ټکرېدلو وروسته د ملي امنیت پر سرتېرو برید کوي چې د سرتېرو له لوري پرې ډزې کېږي.
د کندوز د امنیې قوماندانۍ د ویاند په خبره، ښاغلی کریمي هغه مهال د ملي امنیت د سرتېرو له لوري ووژل شوی چې پلټنې ته ونه درېد.
د حاجي ضیاالحق ضیايي په نوم د کریمي خپلوان وايي چې موټر یې د شپې له لوري ټکر کوي او روحي وضعیت یې ښه نه وي چې د ملي امنیتي ځواکونو هم له پېژندلو پرته پرې ډزې کړېدي.
د کندوز د ملي امنیت ویاند نورالهدا پهدې اړه د پلټنو خبر ورکوي.
د ښاغلي کریمي خپلوان وايي چې دې لوبغاړي د سرو زرو مډالونه ګټلي وو او په نږدې راتلونکي کې د نورو سیالیو لهپاره اروپايي هېوادونو ته په سفر روان و. دی زیاتوي د کندوز د تکواندو فدراسیون رییس په وروستیو وختونو کې له ډېرو امنیتي ستونزو سره مخ و.
کامل کریمي د هېواد د بدني ښکلا په برخه کې اتل هم و.
