د کرنې، اوبو لګولو او مالدارۍ وزارت چارواکیو د کرنې برېښنايي مالوماتو د مجتمع په پرانستغونډې کې وویل، بزګران له دې لارې کولی شي د کرنې اړوند ستونزې په وړیا توګه او لنډ وخت کې حل کړي.
د کرنې وزیر نصیراحمد درانی وايي، بزګران تر دې وروسته کولی شي چې ۱۵۰ شمېرې ته زنګ ووهي، خپلې ستونزې د کرنې له متخصصانو سره شریکې او د هغوی مشورې واخلي.
د دراني په وینا، هر بزګر له یاد مرکز سره یو ساعت وړیا خبرې کولې شي.
دراني د مخابراتو او مالوماتي ټکنالوجۍ له چارواکیو وغوښتل چې پهدې برخه کې ورسره تخنیکي همکاري وکړي.
په همدې حال کې د مخابراتو او مالوماتي تکنالوجۍ وزیر شهزادګل اریوبي د یادې مجتمع جوړول د کرنې د دودولو او ودې برخه کې ګټور یاد کړ او د کرنې وزارت سره یې د هر راز تخنیکي همکاري ژمنه وکړه.
د کرنې، اوبو لګولو او مالدارۍ وزارت د چارواکیو په وینا، د کرنې برېښنايي مالوماتو د مجتمع کارکوونکي به په هره ژبه د مالوماتو ورکولو وړتیا ولري او بزګران کولی شي په اسانۍ ورسره خپلې ستونزې شریکې او د حل لهپاره یې د هغوی لارښوونې او مشورې واخلي.
