.jpg)
په کابل کې د لومړي ځل لهپاره د افغانستان باولینګ فدراسیون لهخوا ښځینه باولینګ لوبډلې د غوراوي په پار سیالۍ وشوې چې ۱۶ ښځینه لوبغاړیو پهکې برخه اخېستې وه.
یادې سیالۍ نن د دې فدراسیون د مسوولانو، د افغانستان المپیک ملي کمېټي او بدني روزنې رییس حفیظالله ولي رحیمي او د افغانستان کرکټ بورډ د مشر عاطف مشعل په موجودیت کې د کابل په یو شخصي «باولینګ کلپ» کې پرانېستل شوې.
د افغانستان باولینګ فدراسیون د معلوماتو لهمخې، په لومړي پړاو غوراوي پړاو سیالیو کې زحلبیات د ۱۵۰ امتیازونو په اخېستلو سره لومړی مقام ترلاسه کړ.
.jpg)
دغه راز الاهه انوري په ۱۴۷ امتیازونو سره دویم او مهر مرسل بیا د ۱۲۳ امتیازونو په ګټلو سره د ګډونوالو لوبغاړیو په کتار کې درېیم مقام ترلاسه کړ.
د کابل باولینګ لوبډلې د غوراوي سیالۍ یو ورځ دوام وکړ چې په پای کې ترې ۶ ښې لوبغاړې د کابل لوبډلې لهپاره انتخاب شوې.
د ورکړل شویو معلوماتو لهمخې، ګډونوالو ۱۶ لوبغاړیو د کابل ښځینه باولینګ لوبډلې ته د لارموندنې په پار په ۴ جلا ـ جلا ګروپونو کې سیالۍ وکړې.
.jpg)
دا پهداسې حال کې ده چې د افغانستان د باولینګ فدراسیون لهخوا تېره اوونۍ د یوې ورځې سیالیو په پای کې د ۳۲ لوبغاړیو په کتار کې ۶ لوبغاړیو د کابل نارینه باولینګ ملي لوبډلې ته لاره پیدا کړه.
په همدې حال کې د افغانستان د باولینګ فدراسیون مشر ادریس فاروقي وایي، ټاکل شوېده، د افغانستان باولینګ ملي لوبډله په راتلونکې یوې میاشت کې د هانګ کانګ په کوربتوب په اسیایي باولینګ سیالیو کې ګډون وکړي.
