د لویې څارنوالۍ چارواکي وايي، چې د کابل د حقوقو ریاست رییس، ۱۶ مامورین یې او د پښتنې بانک ۳ مامورین له صلاحیتونو د ناوړې استفادې په خاطر یې دندې ځنډولي دي.
د لویې څارنوالۍ ویاند جمشید رسولي سلام وطندار ته وویل، د دغو مامورینو دوسیې له اداري فساد سره د مبارزې د ځانګړې څارنوالۍ له خوا تر څېړنې لاندې وي.
دی وايي، له څېړنو وروسته معلومه شوه، د پښتنې بانک ۳ مامورین په یو ډول دې قضیه کې ښکېل وو؛ دندې یې وځنډول شوې.
رسولي جزیات ورنه کړل او زیاته یې کړه، په دې اړه هر ډول څرګندونې د څېړنې پلاوي په استقلالیت او صلاحیتونو کې مداخله ده.
د لویې څارنوالۍ مسوولین وايي، له جرمونو په ځانګړي ډول اداري فساد سره د مبارزې په برخه کې غوڅه اراده لري او د قانون له پلي کولو پرته بل هېڅ مصلحت ورته لومړیتوب نه لري.
