.jpg)
د ولسي جرګې ځينې غړي او د سیاسي چارو شنونکي وايي، چې د کابل تحصن کوونکو پر وړاندې د افغان حکومت اعلامیه ټکوونکې ده.
افغان حکومت د چهار شنبې پر ورځ د کابل تحصن کوونکو په تړاو اعلامیه خپره کړې، چې په یوه برخه کې يې راغلي، که اعتراض کوونکي د کابل ښار له سړکونو خپلې خیمې ټولې نه کړي قانوني چلند به ورسره وکړي.
یو شمېر سیاسي شنونکي او د ولسي جرګې ځينې غړي د حکومت دغه خپره کړې اعلامیه ټکوونکې او استبدادي بولي.
د ولسي جرګې غړی جعفر مهدوي سلام وطندار ته وویل، چې د اعتراض کوونکو پر وړاندې د حکومت اعلامیه له دموکراسي سره سمون نهخوری.
د مهدوي پروینا، که حکومت د خلکو مدني حرکتونو مخه ونیسي دوی به ناقانونه او تاوتریخوالي حرکتونو ته مخه کړي.
.jpg)
مهدوي اعتراض د هر وګړي مدني حق بولي او زیاتوي، چې حکومت باید د اعتراض کوونکو غوښتنو ته په کتو سمون راولي.
سیاسي شنونکي نظر پریاني هم په دې اند دی چې د حکومت خپره کړې اعلامیې متن ټکوونکی دی.
خو حکومت په خپره کړې اعلامیه کې ټینګار کړی، چې د امنیتي ګواښونو ته په کتو او د لارو بندیدل او کابل کې ځينو نړیوالو بنسټونو د خپلو د فترونو د تړل کېدو خبر داری ورکړی نو ځکه دې اعتراض کوونکي خپل تحصن پای ته ورسوي.
کابل کې وروستي خونړي برید په غبرګون کې لاریونونه او په سرکونو د اعتراض خیمو درولو ترڅنګ دغه اعتراض کوونکي د ولسمشر او اجرایه رېیس ګوښه کېدو سربېره د امنیتي چارواکود ګوښه کېدو غوښتنه کوي .
