.jpg)
د پوهنې وزارت د سواد زدهکړو معنیت د چټکو زدهکړو نوی نصاب نن تایید کړ.
د دې وزارت د سواد زدهکړو معین سردارمحمد رحيمي د یکشنبې په ورځ د سواد زدهکړې د نوي تدریسي کتاب د مخکتنې په غونډه کې وویل، چې د سواد زدهکړې پخوانی نصاب تر ډېره په متن څرخېد او یوازې د سواد زدهکړې په متن او لیکنه تمرکز لرلو.
د رحيمي په خبره، نوی نصاب د لیکلو او لوستلو ترڅنګ د اقتصادي، مدیریتي او فني مهارتونو زدهکړې لهپاره هم ځای لري.
.jpg)
د معارف وزارت مسوولان وايي، د سواد زدهکړو تازه کتابونه د زدهکړو د نصاب په اساس، د پخواني تدریسي نصاب په ارزونې، د ګاونډيو هېوادونو د سواد زدهکړې له نصاب ګټې اخیستنې، د زیات عمر او ځوانانو په اړه د سواد زدهکړې په برخه کې تازه څېړنو او د زدهکړو د کارپوهانو د مشورو په رڼا کې جوړ شوی دی.
دغه وزارت غواړي په روان زېږديز کال کې له ۲۳۰ زرو ډېر د سواد زدهکړو شاګردان د نوي نصاب سره تر پوښښ لاندې ونیسي.
د قران، پښتو، دري، ریاضي زدهکړو ترڅنګ د شاګردانو ارزول، او د استادانو لهپاره لارښوونه د دې کتاب له ګټورو نوښتونو څخه ده، چې پر وینا یې د هېواد د اسلامي او فرهنګي ارزښتونو په نظر کې نیولو سره یې چاپ کړي دي.
