دغه ځانګړي عطر په یوه تور ۱۰۰ ملي لېتره بوتل کې د پوتین له نقريي انځور سره بازار کې پلورل کېږي.
د دې "غوره" عطرو د پېژندګلوۍ مراسم د جمعې په ورځ په مسکو کې نیول شوي و.
د "غوره" عطرو جوړونکی یو بلاروسی دی، دی ولادیسلوف ریکونووا نومیږي.
نوموړي د راشا توډي خبري اژانس سره په خبرو کې وویل، چې دغه عطر د پوتین په شان ګرم، ظریف او په ورته وخت کې پیاوړي دي.
ولادیسلوف وايي، د دغو عطرو د جوړول ترکیب به پټ وساتي.
دغه "غوره" عطر د "لیدرز عطرونو" شرکت له خوا جوړ شوي دي.
د لیدرز شرکت ویلي دي، چې د دغو عطرو ډالۍ به د کرېسمس د جشن د نمانځې په مراسمو کې ولادیمیر پوتین ته ډالۍ ورکړي.
د دغه شرکت استازي وايي، چې "غوره" عطر به د نوي کال د جنوري په میاشتې کې په بازار کې وپلورل شي.
د عطرو بیه ۸۵ امریکايي ډالره ټاکل شوې ده، جې ټولټال به ۱۰۰۰ بوتله جوړ شي.
د دوی په خبره د را تلونکي اکټوبر میاشتې پورې به د روسیې بازارونو په انلاین پلورنځایونو کې وپلورل شي.
لیدرز شرکت وايي، چې دغو عطرو د پلورلو د ګټې له پیسو به د کرېسمس جشن د نمانځنې په مراسمو کې یتیمو ماشومانو ته ډالۍ ځانګړې شي.
دغه شرکت وايي، چې تر اوسه پورې یې د المان او چین هېوادونو له خوا د عطرو د پلور له پاره سپارښتنې ور لېږل شوي دي.
دغه طرحه د لومړي ځل له پاره په یوې مجله کې وړاندې شوې وه.
له دې مخکې د سن پټرز بورګ د چاکلېټو په نندارتون کې یو مجسمه جوړوونکي د ولادیمیر پوتین څېره له چاکلېټو جوړه کړې وه.
دغه مجسمه جوړونکي ویلي و، چې چاکلېټ د پوتین په شان نرم، د انعطاف وړ او په عین حال کې سخت دي.
