.png)
د پلخمري ښاروالۍ د محاسبې مدیر ادعا کوي چې پلخمري ښاروال او اداري مالي مرستیال د ښاروالۍ د محاسبې څانګې د مهمو سندونو غلا کړيدي.
د پلخمري ښاروالۍ د محاسبې مدیر محمد داود ستارزاده وايي چې څه موده مخکې د ښاروال د شخصي کار د نه اجراکولو پرمهال له دندې ګوښه شویو؛ خو نن ـ چې بېرته خپلې دندې ته ستون شوی ـ ګوري چې په شعبه کې یې ډېر مهم اسناد او ورقه له خپلو ځایونو نادرکه شوېدي.
د ښاغلي ستارزاده د پلخمري ښاروال او اداري او مالي مرستیال د دې سندونو په غلا تورنوي او وایي چې هغوی بېګا ناوخته د کاري مېزونو په ماتولو سره اسناد له ځانه سره وړي دي.
.png)
د پلخمري ښاروالۍ د نظارت امر چمران د سندونو ورکېدل او غلا کېدل تاييدوي؛ خو پهدې اړه څه نه وايي چې دا کار چا کړیدی.
د پلخمري ښاروالۍ د نظارت امر له عدلي او قضايي ارګانونو غواړي چې دا موضوع په جدي ډول وڅېړي.
د دې موضوع په اړه مو د پلخمري ښاروال او د اداري او مالي مرستیال د نظر اخېستلو هڅه وکړه؛ خو له پرلهپسې اړیکو وروسته بیا هم بریالي نهشو.
ورته مطالب:
هټیوال: د هلمند ښاروالي د جواز بیه لس چنده لوړه کړې
