د پاپ سندرو مشهور ستوری جورج مایکل ومړ

د برېټانیا هېواد مشهور پاپ سندرغاړی جورج مایکل د ۵۳ کلونو په عمر مړ شوی. مایکل په خپل کور کې د یوازېتوب پرمهال د زړه درېدلو له امله له نړۍ سترګې پټې کړې.

د برېټانیا هېواد دغه پاپ سندرغاړی د مایکل جکسن هم دوره و او په ټوله نړۍ کې د مایکل د البومونو له ۱۰۰ میلیونو زیاتې نسخې پلورل شوي دي.

جورج مایکل څو ځلې د عمر په اوږدو کې د نامشروع اړیکو او نشه یي توکو د استفادې له امله د خبرونو سرټکی ګرځېدلی و.

د جورج مایکل پلار قبرسي ـ یوناني کډوال او مور یې برېټانوۍ وه. مایکل په ۱۹۶۳ کال د جون په ۲۵مه نېټه د لندن په شمال کې زېږېدلی و.

نوموړي په ۱۸ کلنۍ کې خپل ټولګیوال اندرو ریجلي او څوو نور کسانو سره یو ځای د Executive په نوم یوه ډله جوړه کړه، چې دوام یې ونه کړ، خو په هماغه کال کې یې د Wham په نوم دوه کسیزه ډله جوړه کړه، چې په اتیایمه لسیزه کې د برېټانیا مشهورې پاپ ډلې ځای خپل کړ.

په ۱۹۸۲ او ۱۹۸۶ کلونو کې د Wham ډلې ترانې په پراخه کچه وپلورل شوې او په ۱۹۸۵ کال کې یې د Ivor Novello په نوم د کال د غوره ترانې جازه ورکړل شوه.

د مایکل له مشهورو ترانو یوه هغه یې د Last Christmas په نوم ده، چې د ۲۱ کلونو په تېرو اوس هم د کرېسمس په اخترونو کې زیاتې راډیويي شبکې یې خپروي.

د اتیایمې لسیزې په نمايي کې د Wham ډله له یوبل جلا او مایکل د سولوش په نوم فعالیت پیل کړل. نوموړي په ۱۹۸۷ کال د باور په نوم البوم خپور کړ، چې ځینې یې اوس هم د برېټانیا غوره البوم بولي.

مایکل د سندرو ۹ انګلیسي البومونه، ۱۲ انګلیسي سندرې، ۱۰ امریکايي سندرې او ۲ د امریکايي سندرو البومونه په میراث پریښي دي.