د پاریس د اور وژنې اداره وايي چې د دوشنبې په ورځ مازیګر مهال د دې هېواد په مشهورې «نوتردام» کلیسا کې اور لګېدلی و او تر نیمېشپې یې دوام وکړ.
د دې اورلګېدنې علت تر اوسه نهدی معلوم.
په وروستیو میاشتو کې دا کلیسا تر کار لاندې وه؛ خو د اورلګېدنې پرمهال په کې هېڅ کارکوونکي حضور نهلرلو.
د پاریس د ښاروالي چارواکي وايي چې د نوتردام کلیسا ډېرې برخې سوځېدلي؛ خو په وینا یې، د کلیسا برجونه او اصلي ساختمان روغ پاتې دی.
د فرانسې لویې څارنوالې اعلان کړی چې د اورلګېدنې د عامل د پيداکولو لهپاره یې څېړنې پیل کړېدي.
د پاریس نوتردام کلیسا ـ چې نږدې زر کاله پخوا جوړه شوې ـ د فرانسې او نړۍ له پخوانیو ودانیو بلل کېږي او هرکال شاوخوا ۱۳ میلیونه سیالانیان لري.
