د ټولګټو چارو وزارت نن په کابل کې له یو شمېر خصوصي شرکتونو سره د ۱.۷ میلیارډه افغانیو په ارزښت د ۴۷ کیلومتره سړک د پخولو او جغل اچولو او د ۷۲ او ۱۲ مترو په اږودوالي د دوو پلونو جوړولو قراردادونه لاسلیک کړل.
د ټولګټو چارو وزیر یما یاري په دې اړه جوړې شوې خبري غونډې ته وویل، په یادو پروژو کې د ننګرهار د بهسودو سړک، د بهسودو پُل، د روزګان د دهراود پُل، تر مارمول تنګي پورې د خالد بن ولید حلقوي سړک ساتنه او څارنه، د میمنې ـ بلچراغ سړک د لومړۍ او دویمې برخې بیارغول او د بدخشان د نخجیر پُل جوړول شامل دي.
د یاري په وینا، د دغو سړکونو او پلونو جوړول به له شپږو میاشتو تر ۲۴ میاشتو پورې وخت نیسي.
ټولګټوچارو وزارت د ۳ رغنیزو پروژو قراردادونه لاسلیک کړل.
ارګ: طالبانو په تېرو ۲ میاشتو کې ټولګټو تاسیساتو ته درانه زیانونه اړولي
یاري زیاتوي، یادې پروژې به د هېواد په پنځو ولایتونو کې چې ټولټال ۸۴ متره اوږدوالی لري او دوه پلونه هم پهکې دي، یو میلیارډ او ۷۲۰ میلیونه افغانۍ لګښت پرې راځي چې ډېره برخه یې د دولت له بودیجې او ځینې یې هم د نړېوال بانک او هند له لوري تمویلېږي.
یما یاري وايي، د دغو پروژو په پلي کېدو سره به د خلکو لپاره کاري بوختیاوې برابرې شي، کرنه او سوداګري به پرمختګ وکړي او د خلکو لپاره به لازمې اسانتیاوې هم برابرې کړي.
