.jpg)
د کرکټ بورډ په نوښت نن (پنجه شنبه) په کابل او ننګرهار ولایتونو کې د هېواد د زونونو په کچه د کرکټ ۴ ورځنۍ سیالۍ پیل شوې.
د احمد شاه ابدالي ترنامه لاندې په دې۴ ورځنیو کرکټ سیالیو کې د ۵ زونونو تر څنګ د کابل ګرین په نامه نوې لوبډلې ته هم د لوبېدو چانس ورکړل شوی.
د افغانستان کرکټ بورډ د رسنیو څانګې مسوول فرید هوتک د سیالیو پرانیستې پرمهال رسنیو سره په خبرو کی وویل، پیل شوې ۴ ورځنۍ سیالۍ به د روانې سپټمبر میاشتې په ۲۹ مه نېټه پیل او دوه میاشتې به دوام ولري.
کرکټ بورډ لومړd ویلي و، چې سیالۍ به د کابل، خوست او د ننګرهار غازي امان الله کرکټ لوبغالو کې ترسره کېږي، خو د هوا په یخوالي سره به د کابل د کوربتوب سیالۍ په خوست ولایت کی هم ترسره شي.
دغه سیالۍ یوازې د ننګرهار په غازي امان الله خان او سپین غر او دغه راز د کابل په نړیوال کرکټ لوبغالي کې پیل شوې.
.jpg)
افغان کرکټ بورډ پلان لري، چې د بېلابېلو زونونو لوبډلو په ګټه به د افغانستان کرکټ ملي لوبډلې لوبغاړي هم له بنګله دېش څخه په راستنېدو لوبې وکړي.
څلور ورځنۍ سیالۍ په ۳ لوبو سره پیل شوې، چې په لومړۍ لوبه کې سپین غر لوبډله په ننګرهار غازي امان الله کرکټ لوبغالي کې له بوست لوبډلې سره د لوبې ډګر ته ووته.
دغه راز د لومړۍ ورځې په دویمه سیالۍ کې په کابل کرکټ نړیوال لوبغالي کې مس عینک له کابل ګرین سره او د ننګرهار په بهسودو لوبغالي کې امو زون له بند امیر لوبډلې سره لوبه پیل کړه.
د کرکټ بورډ د پلان له مخې به د سیالیو پرمهال ټولې لوبډلې په لیګ بڼه یو بل سره په بېلابېلو لوبغالو کې لوبې ترسره کړي.
د ۲ میاشتو او ۴ ورځو لوبو وروسته به ۲ مخکښې لوبډلې د نومبر میاشتې په ۲۸ مه نېټه د اتلولۍ ترلاسه کولو له پاره د ننګرهار په غازي امان الله لوبغالي کې د لوبې ډګر ته ووځي.
