د هلمند سوله غوښتونکیو ځوانانو چې د سولې یو ولسي حرکت دی، د دې حرکت غړي پرون شپه پلازمېنې کابل ښار ته راورسېدل.
دوی خپل سفر تېره میاشت د هلمند ولایت له مرکز لښکرګاه ښاره پيل کړی وو، چې کری ورځ یې په سره لمر کې او د روژې په میاشت کې پلی مزل وکړ.
دوی شاوخوا ۶۳۰ کیلومتره پلی مزل وکړ او د دې ټولې ستړتیا موخه یې سوله او د جګړې پای ته رسول دي.
د دغه حرکت غړیو له طالبانو وغوښتل چې اوربند دوباره وغځوي، دا داسې مهال دی چې حکومت ۱۰ ورځې نور هم د اوربند غځېدل تمدید کړل، خو طالبانو د یوې اعلامیې په خپرولو سره اوربند پای ته ورسولو او نن ورځ یې په ځېنو ولایتونو کې جګړه هم کړې ده.
د دې حرکت غړي وايي، په کابل کې به د سولې غږ پورته کولو لهپاره یوه ستره غونډه راوبولي او د سولې رسا غږ به پورته کړي.
افغان حکومت د روژې په ۲۷ د اختر تر پنځمې ورځې د طالبانو پروړاندې د یو اړخیز اوربند اعلان کړ او طالبانو بیا یوازې د اختر ۳ شپې او ورځې په اوربند له افغان حکومت سره هوکړه وکړه.
