په لښکرګاه کې د بزګر ورځي د جشن نمانځلو مراسمو کې دوو پرلهپسې چاودنو ۴ تنه وژلي او ۴۸ نور يې ټپیان کړيدي.
پرون امنیتي چارواکیو ویلي وو چې پهدې برید کې ۴ تنه وژل شوي او ۳۰ تنه ټپيان شويدي.
د هلمند د والي ویاند عمر ځواک وايي، چاودېدونکي توکي د خرما ونو کې ـ چي د نندارې لهپاره اېښودل شوېوې ـ ځایپرځای شويوو. د ښاغلي ځواک په وینا، لومړۍ چاودنه د مراسمو ځای ته د والي له رسېدلو سره سمه رامنځته کېږي او دویمه هغه له لومړۍ چاودنې څو ثانیې وروسته رامنځته کېږي.
بلهخوا د هلمند د څلورمې سرحدي لوا قوماندان سمونوال ظاهرګل مقبل ـ چې خپله هم په یاد برید کې ټپي شوی ـ وايي یوه جوړه شوې تحفه ډوله ګلدانۍ چې د یو ړوند کس په لاسه کي وه، چاودنه کړې.
د ده په خبره، چاودېدونکي توکي د والي خوا ته لېږدول کېدل؛ خو خوشبختانه چې هلته ونه رسېدل.
همدراز د پېښې عیني شاهدان وايي، تر چاودنو وروسته مېشتو امنیتي ځواکونو ډزې وکړې چې ممکن ډېری کسان په همدې ډزو کي هم لګېدلې وي.
دا ـ چې اصلاً پیښه څه ډول رامنځته شوې ـ د هلمند د والي ویاند وايي، ولایتي ادارې د پېښې د جدي وڅېړلو او د هغو د پایلو له شریکولو لهپاره یو پلاوی ټاکلی دی.
ورته مطالب:
له هلمنده د ولسي جرګې نوماند جبار قهرمان په چاودنه کې ووژل شو
