.JPG)
د هرات ولایتي شورا رییس کامران علیزايي په لومړۍ محاکمه کې په ۲ کلونو او ۶ میاشتو تنفیذي بند محکوم شو.
په کابل کې د اداري فساد درنو جرمونو ته د رسیدهګۍ په برخه کې د لومړنۍ ځانګړې محکمې قضايي هیأت د هرات ولایتي شورا رییس کامران علیزايي
له قانوني واکونو د ناوړې ګټې اخیستنې په تور د هغه په غیاب کې په ۲ کلونو او ۶ میاشتو بند محکوم کړ.
د اداري فساد او جرمونو ته د رسېدنې د ځانګړې لومړنۍ محکمې رییس شیر اقا منیب وايي، کامران علیزايي په دوو جرمونو یو له وظیفوي واکونو پر ناوړې استفادې او بل د قانوني واکونو له حدودو په عدول کولو محاکمه شوی دی.
منیب وايي، کامران علیزايي له قانوني واکونو د ناوړې استفادې په تور د جزا قانون د ۲۸۵ مادې دویمې فقرې او د جزايي اجراعاتو قانون ۲۰۹ مادې په پام کې نیولو سره په دوه کاله و ۶ میاشتو تنفیذي بند محکوم شو.
د محکمې رییس وايي، دا حکم قطعي نه دی که علیزايي د قناعت نه درلودلو دعوا وکړي د استیناف حق يې خوندي دی.
د هرات د ولایتي شورا رییس کامران عليزايي یو کال مخکې پر اداري فساد یو تورن کارکوونکی د هرات له استیناف محکمې څخه ایستلي و، چې لويې څارنوالۍ نوموړي له همدې امله له وظیفوي صلاحیتونو پرناوړې ګټې اخیستنې تورن او امنیتي مسوولینو ته يې د هغه د نیولو حکم صادر کړ.
