د نیپال هېواد چارواکو ویلي دي، چې د دغه هېواد یوه کوچنۍ الوتکه د ۲۳ تنو سپرلیو سره تری تم شوې ده او په دې الوتکه کې ۱۸ تنه نیپالي، ۲ لویدیځوال او۳ تنه د الوتکې کارمندان سپاره وو.
دغه الوتکه د نیپال له پلازمېنې کېتماندو نه د جوسوم په لور تلله، چې د کاپورا غره په سیمه کې د پوکارا څارونکي رادار له څپو نه ورکه شوه.
دغه معلومات نن (چهار شنبه) د دغه هېواد مسوولو چارواکو له رسنیو ته ورکړي دي.
د روېټرز د راپور پر بنسټ د پوکارا هوايي میدان یو چارواکي یوګاندارا له قوله ویلي دي، چې د ژوغورنۍ ټیم د پوکارا غرونو ته ورغلي دي او له ساعتونو پلټنې وروسته بیا هم الوتکه یې پیدا کړې نه ده.
د دې الوتنې مسوولیت د تارا هوايي شرکت په غاړه وه.
ورکه شوې الوتکه د تفریحي سفر په موخه د ۲۰ دقیقو له پاره د دغه هېواد مرکزي غرونو ته تلله.
سره له دې، چې نن سبا د هوا له لارې لېږد رالېږد کم لګښته او خوندي ده، خو نیپال مخ پر ودې هېواد دی او دوی د لېږد رالېږد له پاره له زړو الوتکو کار اخلي او د الوتکو ولېږدو له زیاتو پېښو مخ وي.
