نیکلاس کی د ناټو پخواني ملکي استازي کورنلیوس زیمرمن پر ځای په کابل کې دندې ته راغی.
ناټو د یوې خبرپاڼې په خپرولو سره ویلي چې نیکلاس کی په افغانستان کې د نورو شریکانو د اړیکو د تامینولو ترڅنګ د دې سازمان د سلاکارۍ دنده په غاړه لري.
په خبرپاڼه کې راغلي چې د ناټو سازمان نوی ملکي استازی به د حکومت له مشرانو، پارلمان له غړیو، د نړۍوالې ټولنې له استازیو، مدني فعالانو او د نړۍوالو غیردولتي سازمانونو سره له نږدې همکاري ولري.
د ناټو نوي ملکي استازي کابل ته له راتګه مخکې ویلي، د افغانستان له سولې د ناټو ځواک ملاتړ د اعلانولو هڅه کوي.
ښاغلی نیکلاس کی وايي چې افغانان تمه لري چې په ۲۰۱۹ کال کې سوله راشي او ناټو به پهدې هېواد کې د سولې په اړه خپل ملاتړ حتمي پیل کړي.
په افغانستان کې د ناټو نوي ملکي استازي لهدې مخکې یو کال په کابل کې د بریتانیا سفیر و او همدارنګه د جنوبي اسیا په ادارې کې د افغانستان او پاکستان د برخې رییس هم پاتې شوی.
ښاغلی کی یو څه موده په سومالیا کې د ملګرو ملتونو د سازمان ځانګړی استازی هم و.
کورنلیوس زیمرمن له ۲۰۱۷ کال راهیسې په افغانستان کې د ناټو ملکي استازی و.
ورته مطالب:
په افغانستان کې د ناټو له ملکي استازي سره د سلام وطندار ځانګړې مرکه
