په افغانستان کې د ناټو ملکي سفیر زیمیرمن نن په کابل کې یوې خبري غونډې ته وویل چې وروسته لهدې په افغانستان کې سوله او جنګ یوځای مخته وړي.
د دې خبري غونډې موخه په افغانستان کې د ناټو د څلورو لویو ملاتړو هېوادونو ترمنځ همغږي او د جګړې نقشې وړاندېکول بلل شويدي. دا څلور لوی هېوادونه، امریکا، جرمني، ترکیه او ایټالیا دي.
په افغانستان کې د ناټو ملکي سفیر وايي، طالبانو هم پهدې اړه یقیني شوي چې د هغوی بری په سوله کې ده نه په جنک کې.
د ښاغلي زیمیرمن په وینا، د پوځي، ټولنیزو او سیاسي فشارونو او د جګړې دیني مشروعیت تر پوښتنې لاندې تللو له امله طالبان خپلو موخو ته د رسېدو لهپاره سوله یوازینۍ لار بولي.
په ورته وخت کې په افغانستان کې د ناټو ځواکونو قوماندان جان نیکلسن د سلام وطندار خبریال د پوښتنې په اړه چې له طالبانو نه د روسیې او ایران ملاتړ د داعشیانو د ځپلو لهپاره نهدی؛ وویل روسیه او ایران باید دا تصور ونهکړي چې له داعشیانو سره د مبارزې حللاره له طالبانو ملاتړ کول دي.
د ښاغلي نیکلسن په وینا، د داعش اصلي جوړښت پاکستاني طالبان جوړوي او دغې ډله کې د عربانو، چیچنیانو، او ازبکانو حضور کمرنګه دی.
له طالبانو سره د سولې او جګړې خبرو مختهوړلو موضوع داسې وخت مطرحېږي چې لهدې مخکې د امریکا ولسمشر ډونالډ ټرامپ، کابل او د افغانستان یو شمېر ولایتونو کې د طالبانو بریدونو زیاتېدو په غبرګون کې لهدېې ډلې سره سوله بېمانا بللې وه او پر وړاندې یې د متحدهایالتونو په جنګي تګلارې ټینګار کړیو.
