عليپور مشهور په «شمشېر قوماندان» د «مقاومت جبهې» یو فعال غړی د میدانوردګ له بهسودو ولسوالۍ نه سلام وطندار ته نن سهار د ټیلیفون په کرښه د کابل ـ بامیان لارې د تړل کېدو خبر ورکړ.
ښاغلی عليپور د خپلې دې کار دلیل د ناامنۍ ډېرېدل او د طالبانو له لوري د میدانوردګ ـ بامیانو په لویې لارې د ملکيانو وژل ګڼي. هغه طالبانو ته خبرداری ورکوي چې د دې کار د دوام په صورت کې به د مسافرو د امنیت تامین لهپاره به له هرې لارې کار واخلي.
له دې سره هممهاله ځېنو موټرچلوونکیو د غوربند په دره کې د بامیان ـ کابل لویې لارې له تړل کېدا نه په اندېښنې سره وايي، نن سهار مهال د پروان د سیاګرد ولسوالۍ په چهارده سیمه کې ۴۰۰ موټرې درول شوېدي.
د سیاګرد ولسوالۍ ځايي مسوولان هم د دې خبر په تایید سره وايي چې څه موده مخکې د دې ولسوالۍ یو اوسېدونکی د شخصي دوښمنیو له امله وژل شوی او نن د چهارده سیمې اوسېدونکیو لاریون کړیدی.
د کابل ـ بامیان لویه لاره چې له دوو جلا لارو (میدان دره او غوربند دره) د هېواد پلازمینه سره نښلوي؛ پهدې لاره د طالبانو ښکاره فعالیت، برمته کول او وژنو مسافر له ستونزو او اندېښو سره مخ کړيدي.
