د ولسي جرګې عمومي غونډې ته د ملي دفاع او کورنیو چارو وزیرانو په ګډون د ملي امنیت لوی رییس استجواب شوي وو او د امنیتي وضعیت په اړه یې د وکیلانو پوښتنې ځواب کړې.
په غونډې کې د ملي دفاع وزیر او د ملي امنیت لوی رییس لهدې امله ګډون نه و کړی چې د ملي دفاع وزیر له هېواده بحر په یو رسمي سفر تللی او د ملي امنیت رییس هم په یوې بلې غونډه کې بوخت و؛ خو د کورنیو چارو وزیر ویساحمد برمک د امنیتي وضعیت، تدابیرو او د پولیسو د زیاتوالي په اړه د وکیلانو یو شمېر پوښتنې ځواب کړې.
ښاغلي برمک وویل، ملي دفاع وزارت ته د عامه نظم او سرحدي پولیسو له تللو سره پولیس بېحمایې شوېدي او د دولت د دوښمنانو تحرکات هم ډېر شوي چې لهدې سره هممهاله پولیس هم له یو لړ ستونزو سره مخ شويدي.
د ده په خبره، د پولیسو د حمایې لهپاره یې یوه نوې طرحه جوړه کړې او تېره ورځ یې ولسمشر ته وړاندې کړېده. هغه ۳ زره د عامه نظم پولیس چې لهدې وزارت سره پاتې دي باید د حمایوي پولیسو په نامه لهدې وزارت سره پاتې شي.
دغه راز د کورنیو چارو وزیر وویل د ملي شورا هر غړي ته د دوو موټرو نوي پلیټونه په پام کې نیولي او نور نه شی کولای زاړه پلیټونه وکاروی.
ده وویل د ولسمشر وروستي امر لهمخې د کورنیو چارو وزارت یوشمیر وسایط او پولیس چې له ځینو کسانو سره خدمتي دي بېرته خپلو اصلي دندو ته ورګرځول کېږي.
د ولسي جرګې دویم مرستیال امیرخان یار چې د غونډې مشري یې کوله وویل د افغانانو ستره اړتیا امن دی چې ټول امنیتي چارواکي باید جدی پام ورته وکړي.
د کورنیو چارو وزیر د ولسي جرګې استجوابیه غونډی ته وویل دغه وزارت د پولیسو ملي کېدو هڅې ګړندۍ کړې دي.
ده زیاته کړه د زونونو، ولایتونو او کابل په ګډون د پولیسو په لیکو کې د سمون بهیر روان دی چې پر امنیتي حالت به مثبت اغېز ولري.
