په مسکو کې د سولې په اړه دوې ورځنۍ غونډه د پخواني ولسمشر حامد کرزي په ګډون د افغان سیاستوالو، جهادي مشرانو او طالباستازیو په ګډون د حکومت په غیاب کې د یو پرېکړهلیک په خپرولو سره پای ته ورسېده.
د مسکو غونډې ګډونوالو هوکړه وکړه چې د سولې لهپاره باید په بشپړ ډول ټول بهرني ځواکونه له افغانستانه ووځي.
پهدې پرېکړهلیک کې د ملګرو ملتونو له تور لېسته د لوړپوړیو طالب چارواکیو له نومونو پر ویستلو او د قطر په دوحه کې د طالبانو د سیاسي دفتر په رسمیت پېژندلو ټینګار شوی.
ورته مطالب:
په ځېنو ولایتونو کې مسکو غونډې په غبرګون لاریونونه
د مسکو غونډې په لومړۍ ورځ څه تېر شول؟
د پرېکړهلیک په بله برخه کې راغلي چې ګډونوال «د ټولو افغانقومونو په عادلانه ګډون سره د یو قوي مرکزي حکومت په ساتلو» ټینګار کړیدی او ژمنه یې کړې چې په افغانستان کې هېڅ بهرنی هېواد لاسوهنې ته پرېنهږدي.
د مسکو دوې ورځنۍ غونډې په پای کې د لیکل شوي پرېکړهلیک په یوه بله برخه کې راغلي چې ګډونوال د سولې له هوکړې وروسته د لازمو اصلاحاتو په اجرا، د بنسټیزو نهادونو ساتل او ځواکمنول، دفاعي او نور ملي بنسټونه ـ چې د ټولو افغانانو ملکیت ګنل کېږي ـ په ځواکمنتیا یوځای کار کوي.
ګډونوالو په حساسو شرایطو کې د سولې په تړاو په بینالافغاني خبرو اترو ټینګار کړیدی.
د ولسمشرۍ ماڼۍ مرستیال ویاند شاهحسین مرتضوي پهخپل فېسبوک د مسکو غونډې توافق له طالبانو سره د حنیف اتمر ډلې هوکړهلیک ګڼلی او لیکلي یي دي چې پهدې غونډې کې د بندو دروازو تر شا د نورو مواردو په اړه هم توافق شویدی.
حنیف اتمر د راتلونکیو ولسمشریزو ټاکنو لهپاره هغه نوماند دی چې له خپلو دوو نورو مرستیالانو ـ یونیس قانوني او محمدمحقق ـ سره یوځای د مسکو غونډې ته تللی و.
دا غونډه داسې مهال پای ته رسېږي چې ټاکل شوې، په راتلونکی کې طالبان او د افغان سولې په اړه د امریکا د بهرنیو چارو وزارت استازی زلمی خلیلزاد په یوې راتلونکې غونډې کې ګډون وکړي.
